बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

“तुम्ही लाखो जनतेला फसवलंय… राजे, जनताच तुम्हाला आता शिक्षा करेल”

मुंबई |  दिलेली वचनं तुम्ही न पाळून लाखो जनतेला फसवलं आहे. ही शोभणारी गोष्ट नाही. राजे जनताच आता तुम्हाला शिक्षा करेल, अशा शब्दात श्रमिक मुक्ती दलाचे संस्थापक भारत पाटणकर यांनी भाजप नेते उदयनराजे भोसले यांच्यावर जोरदार टीका केली आहे .

विधानसभा आणि सातारा लोकसभेच्या निवडणुकीच्या अनुषंगाने श्रमिक मुक्ती दलाची भूमिका जाहीर करण्यासाठी डॉ पाटणकर यांनी पत्रकार परिषद घेतली. यावेळी त्यांनी उदयनराजेंवर जोरदार टीकास्त्र सोडलं.

जनतेला तुम्ही म्हणाला होता की, हा मोदी कोण? कोण लागून गेला? त्याला घाबरायचं काय काम आमच्याकडे मोदी पेढे वाला आहे, पण आता पेढे वाला नाही का? पंधरा लाख दिले नाहीत, नोटाबंदी ने उद्योग बंद पडले, हे सगळं तुम्ही विसरून गेलात का?, असं म्हणत पाटणकर यांनी उदयनराजेंवर निशाणा साधला आहे.

भाजपा शिवसेना पक्ष हुकूमशाही पद्धतीचा जातिवाद, धर्मांध, स्त्रियांवर अत्याचार करणाऱ्या नराधमांना पाठीशी घालणारी आहे. त्यामुळे आता त्यांचा पराभव करून जनतेच्या लोकशाही ची अंमलबजावणी करण्यासाठी नवं सरकार निर्माण केलं पाहिजे, असं भारत पाटणकर यांनी  म्हटलं.

महत्वाच्या बातम्या- 

 

 

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More