Pune Cyber Fraud | पुण्यात (Pune) सायबर चोरट्यांनी (Pune Cyber Fraud) शेअर बाजारात (share market) गुंतवणुकीचे आमिष आणि ऑनलाइन टास्कचा (online task) बहाणा करून तीन वेगवेगळ्या घटनांमध्ये तब्बल 83 लाख रुपयांची फसवणूक केली आहे. या प्रकरणी पोलिसांनी गुन्हे दाखल केले आहेत.

वानवडीमध्ये ज्येष्ठ महिलेची फसवणूक

वानवडी (Wanwadi) परिसरातील एका ज्येष्ठ नागरिक महिलेला सायबर चोरट्यांनी गेल्या वर्षी नोव्हेंबरमध्ये मेसेज पाठवला. शेअर बाजारात गुंतवणूक केल्यास चांगला परतावा मिळेल, असे आमिष दाखवले.

सुरुवातीला महिलेचा विश्वास जिंकण्यासाठी चोरट्यांनी तिला थोडा परतावा दिला, मात्र नंतर महिलेने गुंतवलेले 28 लाख 20 हजार रुपये परत केले नाहीत. वानवडी पोलिस ठाण्याचे (Wanwadi Police Station) निरीक्षक गोविंद जाधव (Govind Jadhav) या प्रकरणाचा तपास करत आहेत.

कोथरूडमध्ये ऑनलाइन टास्कचा बहाणा

कोथरूडमधील (Kothrud) एका 53 वर्षीय व्यक्तीला घरबसल्या ऑनलाइन टास्कचे आमिष दाखवून 29 लाख 63 हजार रुपयांची फसवणूक करण्यात आली. सायबर चोरट्यांनी तक्रारदाराला टेलिग्राम ग्रुपमध्ये (Telegram group) सामील करून घेतले आणि समाजमाध्यमांवरील (social media) व्हिडिओंना (videos) लाइक (like) केल्यास चांगला मोबदला मिळेल, असे सांगितले. सुरुवातीला मोबदला मिळाला, पण नंतर पैसे भरण्यास सांगून फसवणूक केली. वरिष्ठ निरीक्षक संदीप देशमाने (Sandeep Deshmane) याचा तपास करत आहेत.

बिबवेवाडीत शेअर बाजाराचे आमिष

बिबवेवाडी (Bibwewadi) भागातील एका 54 वर्षीय व्यक्तीची शेअर बाजारात गुंतवणूक केल्यास चांगला परतावा देण्याचे आमिष दाखवून 25 लाख 20 हजार रुपयांची फसवणूक करण्यात आली. वरिष्ठ निरीक्षक शंकर साळुंखे (Shankar Salunkhe) या प्रकरणाचा तपास करत आहेत. (Pune Cyber Fraud)

Title : Pune Cyber Fraud 83 Lakhs Looted in Three Separate Incidents