पुणेकरांनो हेल्मेटसक्ती कायम आहे; फक्त रस्त्यावर दंडवसुली होणार नाही!

By Krishna Varpe On June 18, 2019 7:36 pm

मुंबई | पुणेकरांना मुख्यमंत्र्यांनी हेल्मेटसक्तीपासून दिलासा दिल्याची चर्चा होती, मात्र ही चर्चा फोल ठरली आहे. फक्त रस्त्यावर दंडवसुली होणार नाही हीच काय ती पुणेकरांसाठी दिलास्याची गोष्ट आहे.

हेल्मेटसक्ती मागे घ्या या मागणीसाठी पुण्यातील आमदारांचं शिष्टमंडळ मुख्यमंत्री देवेंद्र फडणवीस यांना भेटलं होतं. त्यांना मुख्यमंत्र्यांनी हेल्मेटसक्ती मागे घेण्याचं आश्वासन दिलं नाही.

हेल्मेटसक्ती कायम आहे. फक्त आता रस्त्यावर दंडवसुली होणार नाही. जे हेल्मेट घालणार नाहीत त्यांना सीसीटीव्ही कॅमेऱ्यांमध्ये कैद करुन त्यांच्या घरी दंड पाठवला जाणार आहे, असं मुख्यमंत्र्यांनी सांगितलं.

दरम्यान, हेल्मेटसक्तीमुळे रस्त्यावर उभे राहून पोलीस दंड वसूल करत होते, हे चित्र मात्र यापुढे दिसणार नाही.

महत्वाच्या बातम्या