बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

पुणे महापौरांच्या पायाला भिंगरी, कंटेन्मेंट भागात प्रत्यक्ष भेटी देऊन उपाययोजनांचे नियोजन!

पुणे |   पुण्यात सुरूवातीपासूनच कोरोनाग्रस्तांची लक्षणीय संख्या आहे. अगदी मार्च महिन्यापासून ते आतापर्यंत दररोज नव्या कोरोनाग्रस्त रूग्णांची नोंद होत आहे. पण अशाही परिस्थितीत राज्य शासनाच्या सहकार्याने पुणे महानगरपालिकेचे काम अत्यंत चांगलं मानलं जात आहे. पुण्याचे महापौर मुरलीधर मोहोळ दररोज पुण्यातील विविध भागांना भेटी देऊन तेथील परिस्थितीचा आढावा घेत आहेत तर उपाययोजनांचे नियोजन देखील करत आहेत.

कोरोना प्रादुर्भावाच्या परिस्थितीचा आढावा घेण्यासाठी आयएएस अधिकारी सौरव राव यांच्या समवेत महापौर मुरलीधर मोहोळ यांनी ढोले पाटील रोड, ताडीवाला रोड, संत गाडगेबाबा वसाहत कोरेगाव पार्क या कंटेंन्टमेंट एरियाची पाहणी केली. तसेच त्या भागातील स्वॅब कलेक्शन सेंटरला प्रत्यक्ष भेट देऊन तेथील सुविधांचा आढावा घेतला.

कंटेंन्टमेंट परिसरातील ज्येष्ठ नागरिक, तसेच गंभीर आजाराची पार्श्वभूमी असणार्‍या नागरिकांची पालिकेकडून कोविड – 19 टेस्टिंग लॅब बसच्या माध्यमातून स्क्रीनिंग करण्याचे काम सुरू करण्यात आले आहे. स्क्रीनिंगमध्ये लक्षणे आढळल्यास लगेच स्वॅब घेऊन पुढील उपचार करण्याची सोय करण्यात आली आहे, त्याची ही प्रत्यक्ष जाऊन त्यांनी पाहणी केली.

पुण्यात टेस्टच्या तुलनेत आता कोरोनाग्रस्तांचं प्रमाण घटलं आहे. दररोज टेस्ट कश्या पद्धतीने वाढवल्या जातील, यावर महापालिका प्रशासन आणि राज्य सरकार काम करत आहे. त्यादृष्टीने पावलं टाकली जात आहेत. यामध्ये महापौर चांगलेच अ‌ॅक्टीव्ह असलेले पाहायला मिळत आहेत.

ट्रेंडिंग बातम्या-

जिल्ह्याची हद्द ओलांडणं संभाजी भिडेंना महागात; पोलिसांत गुन्हा दाखल

राज्यात आज 8381 रूग्ण ठणठणीत होऊन घरी… बरे झालेल्या रुग्णांच्या संख्येचा आज उच्चांक!

महत्वाच्या बातम्या-

…म्हणून सोलापूर महापालिका आयुक्त दिपक तावरे यांची बदली, त्यांच्या जागी या अधिकाऱ्याची वर्णी

ही 13 शहरं अजूनही बंदिस्त राहणार, बाकीकडे लॉकडाऊन शिथील होणार…!

लस शोधली तरी…. कोरोनाबाबत धक्कादायक माहिती समोर

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More