रस्त्यावर वेगमर्यादा पाळा, अन्यथा खिसा होईल रिकामा!, पोलीस यापुढे मोठी कारवाई करणार

January 27, 2025

Pune News l पुणे शहरातील (Pune City) रस्त्यांवर वाहने भरधाव चालवणाऱ्या वाहनचालकांना चाप बसवण्यासाठी, पुणे पोलिसांनी (Pune Police) कडक कारवाईचा बडगा उगारला आहे. वेगमर्यादा ओलांडणाऱ्या वाहनचालकांना मोठा दंड (Fine) ठोठावण्यात येत असून, गेल्या वर्षभरात तब्बल 8,687 जणांवर कारवाई करण्यात आली आहे.

सुरक्षिततेच्या दृष्टीने वेगमर्यादा पाळण्याचे आवाहन करूनही, अनेक वाहनचालक नियमांचे उल्लंघन करताना दिसतात. अशा बेशिस्त वाहनचालकांवर कारवाई करण्यासाठी, वाहतूक पोलिसांनी (Traffic Police) विशेष मोहीम हाती घेतली आहे.

वेगमर्यादा भंग, दंडाची तरतूद :

वाहतूक पोलिसांकडून मिळालेल्या माहितीनुसार, वेगमर्यादा ओलांडणाऱ्या दुचाकी (Two Wheeler) किंवा तीनचाकी (Three Wheeler) वाहनचालकांना 1,000 रुपये, हलक्या चारचाकी (Light Motor Vehicle) वाहनचालकांना 2,000 रुपये आणि अवजड वाहनचालकांना 4,000 रुपयांपर्यंत दंड आकारला जातो.

मोटार वाहन कायदा (Motor Vehicle Act) कलम 112/183 अंतर्गत ही दंडात्मक कारवाई केली जात आहे. गेल्या वर्षभरात, पुणे पोलिसांनी 8,687 वाहनचालकांकडून लाखो रुपयांचा दंड वसूल केला आहे. 1 ते 31 जानेवारी या कालावधीत, प्रादेशिक परिवहन कार्यालयातर्फे (RTO) राष्ट्रीय सुरक्षा अभियान (National Road Safety Campaign) राबवले जात असून, या अंतर्गत नियमांची आणखी कडक अंमलबजावणी केली जात आहे.

Pune News l सीसीटीव्ही आणि वाहतूक पोलिसांची नजर :

शहरातील प्रमुख चौकांमध्ये बसवण्यात आलेल्या सीसीटीव्ही कॅमेऱ्यांद्वारे (CCTV Cameras) आणि वाहतूक पोलिसांद्वारे वेगमर्यादा भंग करणाऱ्या वाहनचालकांवर करडी नजर ठेवली जाते. नियम मोडणाऱ्या वाहनचालकांचा शोध घेऊन, त्यांच्यावर तात्काळ कारवाई केली जात आहे.

“वाहन भरधाव चालवल्याने अपघात अधिक होतात आणि त्यात जीवितहानीचीही शक्यता असते. त्यामुळे वेगावर नियंत्रण ठेवण्यासाठी स्पीड गनने (Speed Gun) वेगमर्यादा पाहिली जाते. अपघात टाळण्यासाठी वेगमर्यादा पाळणे गरजेचे आहे,” असे वाहतूक शाखेचे पोलिस उपायुक्त अमोल झेंडे (Amol Zende) यांनी सांगितले.

महामार्गांवर स्पीड गनचा वापर :

मुंबई-बंगळुरू (Mumbai-Bengaluru), पुणे-छत्रपती संभाजीनगर (Pune-Chhatrapati Sambhajinagar), पुणे-सोलापूर (Pune-Solapur) या महामार्गांवर वेगमर्यादा नियंत्रणासाठी स्पीड गनचा वापर केला जातो. वेगमर्यादा ओलांडणाऱ्या वाहनचालकांकडून दंड वसूल केला जातो.