Pune News l पुणेकरांसाठी महत्वाची बातमी आहे. पुण्यात भर पावसाळ्यात पाणी कपात केली जाणार आहे. त्यामुळे नागरिकांना पुढील काही दिवस पाणी जपून वापरावे लागणार आहे. पुण्यात येत्या गुरुवारी म्हणजेच 22 ऑगस्टला संपूर्ण शहरात पाणी पुरवठा बंद राहणार आहे. याशिवाय शुक्रवारी म्हणजेच 23 ऑगस्टला देखील शहरात कमी दाबाने पाणीपुरवठा होणार आहे.

पुण्यात पाणी बंद असणार :

पुणे शहरात एक दिवस पाणी बंद असणार आहे तर एक दिवस पाणी कमी दाबाने होणार आहे. यासंदर्भात पुणे महापालिकेने दिलेल्या माहितीनुसार देखभाल आणि दुरुस्तीच्या कामासाठी गुरुवारी आणि शुक्रवारी पाणी पुरवठा बंद असणार आहे. त्यामुळे गुरुवारी संपूर्ण शहरातील पाणीपुरवठा बंद राहणार आहे.

यासंदर्भात पुणेकरांनी बुधवारी पाण्याचा आवश्यक पुरवठा करुन ठेवण्याचं आवाहन पुणे महापालिकेनं केलं आहे. तसेच या काळात कमीत कमी पाणी वापरण्याचा सल्ला देखील त्यांना देण्यात आला आहे. येत्या २२ ऑगस्टला पाणी पुरवठा पाणीपुरवठा बंद असणार आहे. तर २३ तारखेला देखील पाण्याची दाब हा कमी असणार आहे. त्यामुळे पुण्यातील नागरिकांनी असल्याने सहकार्य करावे असं आवाहन पुणे महापालिकेने केलं आहे.

Pune News l ‘या’ कारणामुळे पाणी पुरवठा बंद राहणार :

खडकवासला जॅक्वेल (नवीन), एस.एन.डी.टी, नवीन पर्वती जलशुध्दीकरण केंद्र, पर्वती एमएलआर टाकी परिसर, जुने पर्वती जलशुद्धीकरण केंद्र, पर्वती एचआयएलआयआर टाकी परिसर आणि पर्वती टाकी परिसर, पर्वती टँकर पॉईट, लष्कर जलकेंद्र, एच.एल. आर. आणि चतुर्भुगी टाकी परिसर, वडगाव जलकेंद्र परिसरातील विद्युत तसंच पंपींग विषयक देखभाल दुरुस्तीचं काम हाती घेण्यात आल्यामुळे संपूर्ण शहराचा पाणीपुरवठा बंद राहणार आहे.

पुण्यातील गुरुवार पेठ, बुधवार पेठ, क्वार्टर गेट परिसर, गंज पेठ, काशेवाडी, भवानी पेठ, नाना पेठ, लोहियानगर, अरुण वैद्य स्टेडीम परिसर, घोरपडे पेठ, सोमवार पेठ, पर्वती दर्शन, मुकुंदनगर, सर्व पेठा, शिवाजीनगर परिसर, दत्तवाडी परीसर, राजेंद्रनगर, पर्वती LLR परिसर, लोकमान्य नगर, डेक्कन परिसर, स्वारगेट परिसरातील पाणीपुरवठाही बंद राहणार आहे. याशिवाय कोथरूड संपूर्ण भाग, वडार वस्ती, श्रमिक वसाहत, हॅपी कॉलनी, स्टेट बैंक कॉलनी, मेघदूत, तेजस नगर, सुतारदरा, किष्किदा नगर, डहाणूकर कॉलनी, जयभवानी नगर, रामबाग कॉलनी, केळेवाडी, गुजरात कॉलनी, गाढवे कॉलनी, हनुमान नगर, ज्ञानेश्वर कॉलनी, खैरेवाडी, आयडीयल कॉलनी, वडारवाडी, जनवाडी, वैदुवाडी, भोसले नगर, सेनापती बापट रोड, अशोकनगर, शिवाजी ही. सोसायटी, भांडारकर रोड, प्रभात रोड, हनुमाननगर, जनवाडी, वैद्वाडी, वडाग्वाडी, सेनापती बापट रोड, पोलीस लाईन, संगमवाडी या भागासह संपूर्ण शहरातील पाणीपुरवठा पूर्णपणे बंद राहणार आहे.