आरएसएसमध्ये महिलांचा सन्मान नाही, ही पुरुषवादी संघटना- राहुल गांधी

By टीम थोडक्यात On January 24, 2021 9:23 am

नवी दिल्ली | देशावर नियंत्रण ठेवणारी आरएसएस ही संघटना फॅसिस्ट, पुरुषवादी आहे. आरएसएसमध्ये महिलांना समाविष्ट होण्याची परवानगी नाही, असं म्हणत काँग्रेस गांधींनी आरएसएसवर टीकास्त्र सोडलं आहे.

तामिळनाडूमधील विधानसभा निवडणूकीच्या पार्श्वभूमीवर जनतेला संबोधित करताना राहुल गांधी कोईंबत्तूरमध्ये बोलत होते. यावेळी बोलताना त्यांनी आरएसएसवर जोरदार टीका केली आहे.

महिलांना समान स्थान दिल्याशिवाय कोणताही देश प्रगती करू शकत नाही या गोष्टीशी मी सहमत आहे. मात्र आरएसएसमध्ये सुरुवातीपासूनच महिलांशी भेदभाव केला जात होता. ते महिलांचा आदर करत नाहीत. आदर केला असता तर त्यांनी महिलांचा संघटनेत समावेश केला असता, असं गांधी म्हणाले.

दरम्यान, नरेंद्र मोदी एक एक करून देशातील जनतेशी संबंधित असलेली प्रत्येक वस्तू विकत आहेत. मोदींनी बड्या उद्योजकांशी भागीदारी केली आणि जनतेच्या मालकीचं सर्व काही विकत आहेत, असा आरोपही गांधींनी केला आहे.

I agree that without giving equal place to women no country can progress. Unfortunately the organisation that controls India today is a fascist, male chauvinist organisition. Women are not allowed in the RSS: Rahul Gandhi, Congress in Tiruppur. #TamilNadu pic.twitter.com/OvvqkVxk0A

— ANI (@ANI) January 23, 2021