अंकुर करपले; पावसा आता तरी तुला दया येईल का रे???

By Thodkyaat On June 25, 2018 6:35 am

नागपूर | मृगाच्या पहिल्याच दिवशी विदर्भात पावसाने जोरदार हजेरी लावली होती, मात्र त्यानंतर पाऊस गायब झाला आहे. पावसाने दडी मारल्यामुळे शेतकरी हवालदिल झाला आहे.

हवामान विभागानं यंदा चांगल्या पावसाचा अंदाज वर्तवला आहे. मृगाच्या पहिल्या दिवशी चांगला पाऊस झाल्यामुळे पेरणीच्या कामाला वेग आला होता. कापूस आणि सोयाबीनच्या बऱ्यापैकी पेरण्या झाल्या आहेत.

आता पावसाने दडी मारल्यामुळे धानाचे अंकूर करपले आहेत. अनेक शेतकऱ्यांवर शेतात पुन्हा ट्रॅक्टर फिरवण्याची वेळ आली आहे. उरल्या-सुरल्या शेतकऱ्यांचं लक्ष आभाळाकडे लागलं आहे.

महत्त्वाच्या बातम्या–