राज ठाकरेंचा शरद पवार-उद्धव ठाकरेंवर अत्यंत गंभीर आरोप; म्हणाले..

Raj Thackeray | मनसे अध्यक्ष राज ठाकरे हे सध्या मराठवाडा दौऱ्यावर आहेत. आज (10 ऑगस्ट) ते छत्रपती संभाजीनगर येथे  आहेत. आज त्यांनी माध्यमांशी संवाद साधला. यावेळी राज ठाकरे (Raj Thackeray ) यांनी शरद पवार आणि उद्धव ठाकरे यांच्यावर अत्यंत गंभीर आरोप केले आहेत. यामुळे महाराष्ट्राच्या राजकारणात एकच खळबळ उडाली आहे.

“उद्धव ठाकरे आणि शरद पवार यांना पुढच्या तीन साडेतीन महिन्यात दंगली घडवायच्या आहेत. त्यासाठी त्यांचे प्रयत्न सुरू आहेत. शरद पवार यांचं राजकारण पाहिलं तर जेम्स लेनप्रकरणापासून सुरू केलं. ते स्टेप बाय स्टेप सुरू आहे. दुसऱ्यांच्या जातीबद्दल द्वेष करणं हे राष्ट्रवादीच्या स्थापनेनंतर शरद पवार यांनी सुरू केलं.”, असा आरोप राज ठाकरे यांनी केला आहे.

राज ठाकरेंचा पवार-ठाकरेंवर हल्लाबोल

यावेळी राज ठाकरे यांनी मराठा आरक्षणाबाबतही भाष्य केलं. “माझ्या दौऱ्यात जरांगे यांचा काहीच संबंध नव्हता. त्यांच्या आंदोलनामागून शरद पवार आणि उद्धव ठाकरेंसारखी मंडळी ज्या प्रकारचं राजकारण करतेय ते मला मराठवाड्यात दिसतंय. दुर्दैव म्हणजे यात काही पत्रकार देखील सामील आहेत. मला त्यांची नावे देखील माहीत आहेत.”, असा दावाच राज ठाकरे (Raj Thackeray )यांनी केला आहे.

पुढे राज ठाकरे म्हणाले की, “समाजामध्ये तेढ निर्माण करून विष कालवून यांना कोणतं राजकारण करायचंय? यांच्या राजकारणाचा बेसच हा आहे. यांना वाटतं आमचे एवढे खासदार आले. त्या खासदारांवर जाऊ नये. तुमचा राग फडणवीस यांच्यावर असेल तर तुम्ही राजकारण करताना त्या पद्धतीने बोला. समाजात कशाला भांडण लावता?”, असा संताप राज ठाकरे यांनी व्यक्त केलाय.

मराठा आरक्षणाबाबत राज ठाकरेंचं मोठं विधान

तसंच महाराष्ट्राला आरक्षणाची गरजच नाही, असा पुनरुच्चार राज ठाकरे यांनी केला. “सोलापूरच्या पत्रकार परिषदेत मी जे बोललो ते सर्वांनी पाहिलं ऐकलं आहे. पण त्यानंतर जाणीवपूर्वक बातम्या केल्या. त्या धक्कादायक होत्या. मात्र 2006 रोजी पक्षाची स्थापना झाली तेव्हापासून आमची एकच भूमिका राहिली आहे, ती म्हणजे आरक्षण द्यायचंच असेल तर आर्थिक निकषावर द्या”, असे वक्तव्य राज ठाकरे (Raj Thackeray )यांनी केले.

महाराष्ट्रात शिक्षणापासून, उद्योग आणि इतर गोष्टी उपलब्ध आहेत. आपल्या राज्यात नोकऱ्या आहेत. पण, बाहेरच्या राज्यातील लोक ते येऊन घेतात. त्याच गोष्टी आपल्या लोकांना दिल्या तर आरक्षणाची गरज उरणार नाही, असं मी म्हटलं होतं. असं पुढे राज ठाकरे म्हणाले.

News Title :  Raj Thackeray on Sharad Pawar and Uddhav Thackeray

महत्त्वाच्या बातम्या-

‘या’ अभिनेत्रीसोबत शुभमन गिल अडकणार लग्नबंधनात?

सोने-चांदीचा ग्राहकांना झटका; काय आहेत आजचे दर

‘या’ 3 मोठ्या बँकांचा ग्राहकांना झटका; व्याजदरात केली वाढ

म्हाडाच्या लॉटरीसाठी अर्ज सुरू, 2030 घरांची विक्री होणार, जाणून घ्या सर्व काही

राजकीय घडामोडींना वेग! बच्चू कडू शरद पवारांच्या भेटीला, महायुतीला देणार धक्का?