अरविंद शाळीग्राम यांच्याकडे दिलेला पुणे विद्यापीठाच्या परिक्षा नियंत्रक पदाचा कार्यभार रद्द करा- राजेंद्र विखे

By टीम थोडक्यात On May 16, 2020 6:17 pm

पुणे | सावित्रीबाई फुले पुणे विद्यापीठापुंढे परिक्षांचं नियोजन करण्याचं आव्हान असताना परिक्षा आणि मूल्यांकन मंडळाचे संचालक डॉ. महेश काकडे लॉकडाऊनमुळे गावी अडकून पडले. यानंतर या विभागाचा कारभार डॉ. अरविंद शाळीग्राम यांच्याकडे देण्यात आलाय.

डॉ. अरविंद शाळीग्राम यांच्याकडे देण्यात आलेला कारभार तात्काळ रद्द करण्यात यावा, अशी मागणी प्रवरा विद्यापीठाचे कुलपती डॉ. राजेंद्र विखे पाटील यांनी केली आहे. राजेंद्र विखेंनी या संदर्भात एक पत्र लिहिलं आहे.

अरविंद शाळीग्राम हे एक सेवानिवृत्त प्राध्यापक आहेत. तरी ही विद्यापीठ प्रशासनाचा कारभार त्यांनाच देण्याचा आग्रह का?, असा सवाल राजेंद्र विखे यांनी उपस्थित केला आहे.

कोणत्याही पदाचा तात्पुरता कार्यभार डॉ. अरविंद शाळीग्राम यांनाचा का देण्यात येतो? हे सगळं संशयास्पद आहे असं वाटतं, असं राजेंद्र विखे यांनी म्हटलं आहे.