बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

अहो, त्याचा 1 वर्षाचा मुलगा गेलाय हो… ढसढसा रडणारच की!

नवी दिल्ली |  कोरोनाने सामान्य माणसाची काय हालत करून ठेवलीये याची कल्पना देखील करवत नाही. अनेक मजूर शेकडो किलोमिटर अंतर पायी कापत निघाले आहेत. त्यांना घराची ओढ लागली आहे. मजुरांचे जथ्येच्या जथ्ये मूळ गावी परतत आहेत. एकूणच काळीज पिळवटून टाकणारे चित्र आहे. असाच हृदयाला पाझर फोडणारा एक फोटो सध्या सोशल मीडियावर फिरत आहे. आणि तो फोटो आहे दिल्लीत काम करणाऱ्या राम पुकार याचा….!

राम पुकार हा दिल्लीत मोलमजुरी करतो. त्याचं मूळ गावं बिहार. त्याला एक वर्षाचा मुलगा होता. त्याचं कुटुंब सगळं मूळ गावी होतं. पण अचानक लॉकडाऊन झालं आणि त्याला त्याच्या मूळगावी जाता आलं नाही. काल-परवा त्याच्या बायकोचा त्याला फोन आला की आपला एक वर्षाचा मुलगा गेला… तो जागेवर कोसळला…. धायमोकलून रडायला लागला… आणि कुणीतरी तो फोटो आपल्या कॅमेरात कैद केला…!

त्याला मुलगा गेल्याची बातमी समजल्याबरोबर तो बिहारच्या दिशेने पायी चालू लागला. परंतू गाझिपूरच्या पोलिसांनी त्याला अडवलं. त्यापुढे जाण्यास त्याला परवानगी दिली नाही. आपल्या एका वर्षाच्या मुलाचं तोंड देखील त्याला पाहता आलं नाही. वडिलांविना मुलावर अंत्यसंस्कार पार पाडले. हे जेव्हा त्याला कळलं तेव्हा तो आतून पार कोसळला आणि त्याच्या अश्रूंचा बांध फुटला…!

दिल्लीतून निघाल्यानंतर उत्तर प्रदेश पोलिसांनी युपी गेटजवळच त्यांचा रस्ता अडवला. त्यामुळे पुढचे 3 दिवस गाझीपूरच्या उड्डानपुलाखालीच राम पुकारला रहावं लागलं. 3 दिवस तिथं काढल्यानंतर, काही अधिकाऱ्यांनी राम पुकारला दिल्लीच्या रेल्वे स्थानकावर नेऊन सोडलं. तिथून रामपुकार श्रमिक ट्रेनमधून बिहारमधल्या बेगुसरायला पोहचला. मात्र, अद्यापही आपल्या कुटुंबाला भेटण्याचा योग राम पुकारला आलेला नाही. ते एका शाळेत क्वारंटाईन झाले आहेत.

ट्रेंडिंग बातम्या-

“महाराष्ट्राचं आर्थिक महत्त्व कमी करणारे मोदी कुठं आणि महाराष्ट्राचं महत्त्व जाणणारे राहुल गांधी कुठं”

पंजाबमधील कर्फ्यू हटवण्यासंदर्भात मुख्यमंत्री अमरिंदर सिंग यांची मोठी घोषणा

महत्वाच्या बातम्या-

माझा राजकीय वारसदार हा माझा कार्यकर्ता असेल, घरातील कुणी नाही- नितीन गडकरी

“मुंबईच्या आर्थिक नाड्या अजूनही परप्रांतीय हातात, शेठ मंडळींची जागा घेतली पाहिजे”

ग्रीन झोन असलेल्या बीडमध्ये कोरोनाचा शिरकाव; पाहा कोरोना कुठून कसा आला…

 

Shree

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More