Top News महाराष्ट्र मुंबई

“छत्रपती संभाजी महाराजांच्या नावाला विरोध नाही पण औरंगाबाद विमानतळाला अजंठा एलोरा लेणीचे नाव द्यावं”

मुंबई | औरंगाबादच्या विमानतळाला छत्रपती संभाजी महाराज यांचं नाव देण्याबाबत राज्याच्या मंत्रिमंडळाने निर्णय घेतला आहे. याबाबत मुख्यमंत्री उद्धव ठाकरेंनी केंद्राला पत्र पाठवलं आहे. मात्र अशातच केंद्रीय मंत्री आणि आरपीआयचे नेते रामदास आठवले यांनी औरंगाबादच्या विमानतळाच्या नावाबाबत मागणी केली आहे.

औरंगाबाद विमानतळाला अजंठा एलोरा लेणीचे नाव द्यावं. अजंठा एलोरा या बौद्ध संस्कृतीच्या लेणी असून जागतिक वारसा स्थळ तथा 8 जागतिक आश्चर्य स्थळांपैकी एक आहे, असं रामदास आठवलेंनी म्हटलं आहे.

छत्रपती संभाजी महाराजांच्या नावाला विरोध नाही. औरंगाबाद विमानतळाला अजंठा एलोराचे नाव द्यावे ही आरपीआयची मागणी असं ट्विट करत आठवलेंनी म्हटलं आहे. राज्य मंत्रिमंडळाने संभाजी महाराजांचं नाव विमानतळाला दिलं असून केंद्रीय उड्डान मंत्री मंत्री हरदिप पुरी यांना पत्र लिहिलं आहे.

दरम्यान, राज्याच्या मंत्रिमंडळाने औरंगाबादच्या विमानतळाला संभाजी महाराजांचं नाव देण्याचा निर्णय घेतला असून याबाबतचा ठराव विधिमंडळाच्या अर्थसंकल्पीय अधिवेशनातही दोन्ही सभागृहात एकमताने मंजूर करण्यात आला आहे. संभाजी महाराज विमानतळ करण्याबाबतची अधिसूचना लवकरात लवकर निर्गमित करण्यात यावी, अशी विनंती उद्धव ठाकरेंनी पत्राद्वारे केली आहे.

 

थोडक्यात बातम्या-

मोठी बातमी! पोलीस भरतीबाबतचा ‘तो’ वादग्रस्त जीआर अखेर रद्द

ऐतिहासिक! पुरूष कसोटी सामन्यात पहिल्यांदाच दिसणार महिला अंपायर

“पंतप्रधान नरेंद्र मोदींकडून देशाला महासत्ता बनवण्याचा प्रयत्न सुरू आहे”

“मोदींनी घेतलेले निर्णय पाहता 2024 च्या निवडणुकीत भाजप 400चा आकडा करणार क्रॉस”

“मृत व्यक्तीची संपत्ती नावावर करण्यासाठी उद्धव ठाकरेंचा ग्रामपंचायतीवर दबाव”

मेलवर बातम्या मिळवा

खालील रिकाम्या बॉक्समध्ये तुमचा ई-मेल आयडी टाका आणि Subscribe म्हणा. आमच्या बातम्या तुम्हाला ई-मेलवर मिळतील.

ताज्या बातम्या