बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

भाजपने विधानपरिषदेची जागा न दिल्याने रामदास आठवले नाराज!

मुंबई | भाजपने रिपाइंला विधानपरिषदेची एक जागा न दिल्याने केंद्रिय सामाजिक न्यायमंत्री रामदास आठवले हे नाराज आहेत. त्यांनी यासंदर्भात ट्विट करून आपली नाराजी व्यक्त केली आहे.

गेली अनेक वर्ष रिपाइं भाजपसोबत ताकदीने उभा आहे. तसंच निवडणुकीत रिपाइं आणि दलित समाज भाजपबरोबर असून देखील भाजपने रिपाइंवर अन्याय केला आहे, अशी भावना कार्यकर्त्यांची असल्याचं आठवले यांनी सांगितलं आहे.

रामदास आठवले यांनी विधानपरिषद निवडणुकीसाठी भाजपकडे एका जागेची मागणी केली होती. मात्र काल भाजपने काल विधानपरिषद निवडणुकीसाठी आपले चार उमेदवार घोषित केले. यामध्ये रिपाइंला जागा सोडण्यात आलेली नाहीये.

दरम्यान, भाजपने गोपीचंद पडळकर, प्रवीण दटके, रणजितसिंह मोहिते पाटील आणि डॉ. अजित छोपछडे यांना विधानपरिषदेची उमेदवारी दिली आहे. काल दुपारी या नावांची घोषणा झालेली आहे.

रामदास आठवले यांनी आपल्या ट्विटमध्ये म्हटलंय, “महाराष्ट्रात 21 मे रोजी विधान परिषदेच्या 9 जागांसाठी निवडणूक होत असून त्यातील 1 जागा भाजप ने रिपब्लिकन पक्षाला द्यावी अशी रिपाइं ची मागणी होती. मित्रपक्ष म्हणून भाजप च्या वाट्याला येणाऱ्या 4 जागांपैकी 1 जागा रिपाइं ला न सोडल्याने रिपाइं कार्यकर्ते नाराज आहेत”.

 

 

ट्रेंडिंग बातम्या-

शिवरायांच्या महाराष्ट्रात लष्कराची गरज नाही- उद्धव ठाकरे

कोरोनाचं संकट गंभीर असलं तरीही सरकार खंबीर आहे- उद्धव ठाकरे

महत्वाच्या बातम्या-

“उपलब्ध झालेले रोजगार हीच संधी आहे… मराठी तरूणांनो नंतर गळे काढून रडू नका”

पुण्यात लॉकडाऊन शिथील करण्यास महापौरांचा विरोध; पूर्वीप्रमाणे लॉकडाऊनची मागणी!

लागेल ती मदत मागा परंतू पुण्याची वाढती रूग्णसंख्या थांबवा; अजित पवारांची प्रशासनाला सूचना

Shree

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More