तरुणीसोबत अश्लील व्हिडीओ व्हायरल झाल्यानंतर भाजप मंत्र्याचा राजीनामा

By टीम थोडक्यात On March 3, 2021 3:25 pm

Picture Courtesy: Twitter/ Ramesh Jarkiholi

कोल्हापूर | पुजा चव्हाण प्रकरणात भाजपने संजय राठोडांवर जोरदार आक्रमण करुन त्यांना अखेर राजीनामा द्यायला लावला होता. मात्र आता भाजप मंत्र्याचीच अश्लील व्हिडीओ क्लीप समोर आल्यानंतर मोठी खळबळ उडाली आहे. भाजपचे कर्नाटकातील जलसंसाधन मंत्री रमेश जारकीहोळी या प्रकरणात अडकले आहेत, व्हिडीओ व्हायरल झाल्यानंतर त्यांनी अखेर आपल्या मंत्रिपदाचा राजीनामा दिला आहे.

रमेश जारकीहोळी यांचा एक अश्लील व्हीडिओ व्हायरल झाला होता. एका महिलेला कर्नाटक पाॅवर ट्रान्समिशन काॅर्पोरेशन लिमीटेडमध्ये नोकरी देण्याचं अमिष दाखवून ते पूर्ण न केल्याचा त्यांच्यावर आरोप होता. एवढचं नाही तर सदर महिलेला जीवे मारण्याची धमकी दिल्याचा सुद्धा आरोप त्यांच्यावर आहे. या घटनेचा व्हीडिओ सामाजिक कार्यकर्ते कल्लाहोळी यांनी सोशल मीडियावर टाकला होता, मात्र या प्रकरणामुळे जारकीहोळींनी राजीनामा देण्याची मागणी विरोधी पक्ष काँग्रेसनी केली होती.

बंगळुरु पोलीस आयुक्त्याकडे तक्रार नोंदवताना कल्लाहोळी यांनी महिलेच्या जीवाला धोका आसल्याचं कारण देत तीला सुरक्षाव्यवस्था पुरवण्याची मागणी केली होती. तसेच योग्य तो न्याय मिळवून देण्याची मागणी देखील त्यांनी केली होती. कर्नाटकच्या गृहमंत्र्यानी दिलेल्या अश्वासनानुसार या प्रकरणाची कायदेशीर चौकशी केली जाईल असं त्यांनी म्हटलं आहे. एवढचं नाही तर कर्नाटकचे उपमुख्यमंत्री सीएन नारायण यांनी हे सुडाचं राजकरण असल्याचं म्हटलं आहे.

दरम्यान, व्हायरल झालेल्या व्हीडिओमुळे संपुर्ण राज्यात एकच खळबळ उडाली आहे. एवढचं नाही तर जारकीहोळींच्या या प्रकरणामुळे येडीयुरप्पा सरकारची बदनामी झाल्याची चर्चा समोर येत आहे. काही दिवसांपूर्वी जनता दल सेक्युलर मधून भाजपामध्ये प्रवेश केलेल्या 17 आमदारांमध्ये जारकीहोळींचा समावेश होता.

संबंधित बातम्या-

धक्कादायक! मंत्र्याच्या सेक्स सीडीतील आणखी एक धक्कादायक व्हिडीओ व्हायरल