“रोहित पवारांचा नकलीपणा बघायचा असेल तर हे नक्की वाचा”

By Krishna Varpe On January 24, 2021 10:28 pm

मुंबई | मोदी सरकारने आणलेल्या कृषि कायद्यांना राष्ट्रवादी काँग्रेसने विरोध केला आहे. स्वतः शरद पवार यांनी यासंदर्भात विरोधाची भूमिका घेतली आहे. अशा पार्श्वभूमीवर बारामती अॅग्रो कंपनीच्या करार शेतीचे बॅनर व्हायरल झाल्यानं रोहित पवार विरोधकांच्या निशाण्यावर आले आहेत.

भाजप नेते निलेश राणे यांनी रोहित पवार यांना याच मुद्द्यावरुन धारेवर धरलं आहे. त्यांनी बारामती अॅग्रोच्या करार शेतीचे फोटो ट्विट केले आहेत आणि रोहित पवार यांच्यावर जोरदार टीकास्त्र सोडलं आहे.

नकलीपणा काय असतो बघायचं असेल तर हे वाचा. जे रोहित पवार शेतकरी कायद्यांचा संदर्भ देऊन शेतकऱ्यांना भडकवण्याचा प्रयत्न करत आहेत त्याच रोहित पवारांची स्वतःची कंपनी शेतकऱ्यांना करार करण्याचे फायदे सांगत आहेत, असं निलेश राणे यांनी म्हटलं आहे.

दरम्यान, भाजपनं या मुद्द्यावरुन पवार कुटुंबियांना लक्ष्य करण्याचा प्रयत्न केला आहे. भाजप आमदार अतुल भातखळकर यांनी देखील या मुद्द्यावरुन पवारांवर टीकेची झोड उठवली आहे.

नकलीपणा काय असतो बघायचं असेल तर हे वाचा. जे रोहित पवार शेतकरी कायद्यांचा संदर्भ देऊन शेतकऱ्यांना भडकवण्याचा प्रयत्न करत आहेत त्याच रोहित पवारांची स्वतःची कंपनी शेतकऱ्यांना करार करण्याचे फायदे सांगत आहेत. pic.twitter.com/bfOnNcrA53

— Nilesh N Rane (@meNeeleshNRane) January 24, 2021