‘आज तुझा मर्डर फिक्स’; सुहास कांदेंची समीर भुजबळांना धमकी

November 20, 2024

Maharashtra l आज राज्याच्या दृष्टिकोनातून अत्यंत महत्वाचा दिवस आहे. कारण आज महाराष्ट्र 288 जागांसाठी मतदान होत आहे. मात्र अशातच विधानसभा निवडणूक जाहीर झाल्यापासूनच नांदगाव विधानसभा मतदारसंघाची राज्यभरात तुफान चर्चा आहे. परंतु आता विधानसभा निवडणुकीच्या दिवशी देखील नांदगाव विधानसभा मतदारसंघ चर्चेत आला आहे.

या मतदारसंघात तिहेरी लढत :

नांदगाव विधानसभा मतदारसंघात राष्ट्रवादी अजित पवार गटाचे नेते छगन भुजबळ यांचे पुतणे समीर भुजबळ यांनी या मतदारसंघातून अपक्ष उमेदवारी अर्ज दाखल केला आहे. तर शिवसेना शिंदे गटाचे सुहास कांदे, ठाकरे गटाचे गणेश धात्रक आणि अपक्ष डॉ. रोहन बोरसे यांच्यात विधानसभेचा सामना होणार आहे.

मात्र यंदाच्या वर्षी सुहास कांदे, गणेश धात्रक आणि समीर भुजबळ हे तीनही उमेदवार विधानसभा निवडणूक लढवण्यासाठी मैदानात उतरल्याने या मतदारसंघात तिहेरी लढत होत आहे. मात्र आज सकाळी 7 वाजता मतदानाला सुरुवात झाली आहे. अशातच नाशिक जिल्ह्यातील नांदगाव विधानसभा मतदारसंघात मोठा राडा झाल्याची माहिती मिळत आहे.

नांदगाव-मनमाड रस्त्यावर घडला प्रकार :

यावेळी अपक्ष उमेदवार समीर भुजबळ आणि शिवसेना शिंदे गटाचे उमेदवार सुहास कांदे यांच्या गटात तुफान राडा झाला आहे. मात्र आज मतदानाच्या दिवशी सुहास कांदे यांनी बोलावलेल्या मतदारांना समीर भुजबळ यांनी आडवल्याचे माहिती मिळाली आहे. त्यामुळे नांदगाव-मनमाड रस्त्यावर हा धक्कादायक प्रकार घडला असून दोन्ही गटात मोठा राडा झाल्याचे पाहायला मिळाले आहे.