Top News महाराष्ट्र मुंबई

…म्हणून काॅंग्रेसनं सत्तेतून बाहेर पडावं; ज्येष्ठ काॅंग्रेस नेत्याच्या वक्तव्यानं खळबळ

मुंबई |  महाविकास आघाडीमध्ये सगळं काही आलबेल नसल्याचं समोर आलं आहे कारण माजी मुंबई काँग्रेस अध्यक्ष आणि पक्षाचे नेते संजय निरूपम यांनी कोरोनाची परिस्थिती हाताळताना ठाकरे सरकार अपयशी ठरतं आहे. त्यामुळे काँग्रेसने सरकारबरोबर न राहता सरकारमधून बाहेर पडावं, असं वक्तव्य केलं आहे. त्यांच्या वक्तव्याने राजकीय वर्तुळात आता उलट-सुलट चर्चांना सुरूवात झाली आहे.

राष्ट्रवादीचे अध्यक्ष शरद पवार राज्याचे राज्यपाल भगतसिंह कोश्यारी यांना भेटतात, त्यानंतर लगेचच ते मुख्यमंत्री उध्दव ठाकरे यांच्यासोबत भेटतात, त्यांच्यात काय शिजत आहे, हे मला माहित नाही, मात्र प्रत्येकवेळी कॉंग्रेसला आंधारात ठेवलं जातंय, असं निरूपम म्हणाले.

उद्धव ठाकरे आणि शरद पवार यांच्यात काय चर्चा झाली हे मला माहिती नाही. पण माझ्या वैयक्तिक मतानुसार काँग्रेसने सत्तेत न राहता आता सत्तेबाहेर पडायला हवं, असं निरूपम म्हणाले.

दुसरीकडे काँग्रेस नेते आणि खासदार राहुल गांधी देखील महाराष्ट्रात काँग्रेसला निर्णय घेण्याचे अधिकार नाहीत, अशी खंत बोलून दाखवली आहे. त्यामुळे राज्याच्या राजकारणात नेमकं काय सुरू आहे? असा प्रश्न आता उपस्थित होऊ लागला आहे. तसंच ठाकरे सरकार स्थिर आहे का? असे प्रश्न देखील उपस्थित होऊ लागले आहेत.

ट्रेंडिंग बातम्या-

प्रत्येक गरीबाच्या खात्यावर दरमहा हजार रुपये जमा करा!

‘कठोर निर्णय, धडक अंमलबजावणी’, नागपुरात कोरोना नियंत्रणाचा तुकाराम मुंढे पॅटर्न!

महत्वाच्या बातम्या-

चार वाजता काय होणार? फडणवीसांच्या ‘या’ कृतीकडे साऱ्या महाराष्ट्राचं लक्ष!

मुख्यमंत्री चांगलं काम करतायेत; राज्यपालांचा पवारांजवळ निरोप

मातोश्रीची पायरी का चढलो?; शरद पवार यांनी सांगितलं कारण

मेलवर बातम्या मिळवा

खालील रिकाम्या बॉक्समध्ये तुमचा ई-मेल आयडी टाका आणि Subscribe म्हणा. आमच्या बातम्या तुम्हाला ई-मेलवर मिळतील.

ताज्या बातम्या