संजय राऊत सिंघू सीमेवर जाऊन शेतकऱ्यांना भेटण्याच्या तयारीत!

By Babita.Durande On January 30, 2021 5:39 pm

मुंबई | शिवसेना दिल्लीतील शेतकरी आंदोलकांना पाठिंबा देण्यासाठी पुढे सरसावण्याची शक्यता आहे. शिवसेनेचे खासदार संजय राऊत सिंघू सीमेवर जाऊन शेतकऱ्यांना भेटणार असल्याचं कळतंय.

मी सिंघू सीमेवरील शेतकऱ्यांना भेटण्याचा विचार करत आहे, असं संजय राऊत यांनी म्हटलं आहे. ते टीव्ही 9 मराठीशी बोलत होते.

मी शिवसेना पक्षप्रमुख उद्धव ठाकरे आणि दिल्लीतील नेत्यांशी चर्चा केली आहे. या चर्चेवेळी शिवसेनेने शेतकऱ्यांना भेटून त्यांच्यापर्यंत आपल्या भावना पोहोचवणं गरजेचं असल्याचा मतप्रवाह समोर आला. त्यामुळे मी सोमवारी दिल्लीत गेल्यानंतर सिंघू सीमेवर शेतकऱ्यांना भेटण्याचा विचार करत आहे, असं संजय राऊत यांनी सांगितलं.

सर्वपक्षीय बैठकीत पंतप्रधान शेतकऱ्यांशी चर्चा करण्यात फक्त एका फोन कॉलचं अंतर असल्याचं म्हणाले. मग पंतप्रधान मोदी यांनीच पुढाकार घेऊन शेतकरी नेत्यांना फोन करावा, असं संजय राऊत म्हणाले.

थोडक्यात बातम्या-