“बाळासाहेबांची शिकवण आणि पवार साहेबांची सोबत, इकडची दुनिया तिकडे करू”

By Bhagyashri Konarde On May 6, 2022 10:14 pm

पुणे | शिवसेना खासदार संजय राऊत (Sanjay Raut) त्यांच्या वक्तव्यामुळे अनेकदा चर्चेत आले आहेत. यावेळीही लांडेवाडी येथील कार्यकर्ता मेळाव्यात बोलताना संजय राऊत यांनी तुफान फटकेबाजी केली आहे.

मी क्रिकेट खेळत नसलो तरी मला त्यातलं ज्ञान आहे. मला सगळ्या गुगल्या टाकता येतात. कारण मला बाळासाहेबांची शिकवण आहे आणि पवार साहेब सोबतीला आहेत. मला दोन गुरू आहेत त्यामुळे मैदानात बघा, असं वक्तव्य संजय राऊत यांनी केलं आहे.

माझा आत्मविश्वास तुम्हाला माहितीच आहे. इकडची दुनिया तिकडे करू. हे दार नाही तर ते दार. ते दार नाही तर पलिकडचं दार. आपण कुठेही जाऊ पण शिवाजी आढळराव पाटील संसदेत जाणारच, असा विश्वासही संजय राऊत यांनी व्यक्त केला आहे.

दरम्यान, महाविकास आघाडी (Mahavikas Aghadi) असल्याने मला काही पथ्य, बंधनं पाळावी लागतायेत जी माझ्या तत्वात बसत नाहीत. नाहीतर हा राऊत गप्प बसला असता का? असं देखील संजय राऊत यावेळी बोलताना म्हणाले आहेत.

थोडक्यात बातम्या-