जिथे कट रचला तिथलं सीसीटीव्ही फुटेज मिळालंच नाही, तपासातून मोठा खुलासा

January 18, 2025

Santosh Deshmukh murder l बीड (Beed) जिल्ह्यातील मस्साजोगचे (Massajog) सरपंच संतोष देशमुख यांच्या हत्येचा कट एका हॉटेलमध्ये रचण्यात आल्याची खळबळजनक माहिती पोलिस तपासात (Police Investigation) समोर आली आहे. पोलिसांनी त्या हॉटेलमधील सीसीटीव्ही फुटेजची पाहणी केली असता, केवळ २० दिवसांचे बॅकअप (Backup) मिळाले. त्यामुळे ८ डिसेंबरचे सीसीटीव्ही फुटेज तपास अधिकाऱ्यांना (Investigating Officers) मिळाले नाही. या प्रकरणात वाल्मिक कराडसह (Walmik Karad) इतर आरोपींना अटक (Arrest) करण्यात आली आहे.

हॉटेलमध्ये रचला हत्येचा कट :

मस्साजोगचे सरपंच संतोष देशमुख यांचे अपहरण (Kidnapping) करून ९ डिसेंबर रोजी खून करण्यात आला होता. तत्पूर्वी, या घटनेतील आरोपींनी ८ डिसेंबर रोजी नांदूर फाटा (Nandur Phata) येथील ‘तिरंगा धाबा’ या हॉटेलमध्ये बसून हा सगळा कट रचल्याचे समोर आले आहे. हॉटेलमध्ये केलेल्या नियोजनानुसार (Planning) ९ डिसेंबर रोजी संतोष देशमुख यांचे अपहरण करून खून करण्यात आला.

सीसीटीव्ही फुटेज अपूर्ण :

चार दिवसांपूर्वी तपास अधिकाऱ्यांनी या हॉटेलला भेट देऊन सीसीटीव्ही फुटेजची पाहणी केली. मात्र, केवळ २० दिवसांचे बॅकअप मिळाल्याने ८ डिसेंबरचे सीसीटीव्ही फुटेज तपास अधिकाऱ्यांना मिळाले नाही. त्यामुळे आरोपी किती वाजता आले होते, कुठे बसले होते आणि किती वेळ बसले होते, याबाबतची माहिती सीसीटीव्ही फुटेजमधून समोर आली नाही. परंतु, आरोपींनी ‘तिरंगा धाब्यावर’ बसून संतोष देशमुख यांच्या खुनाचा कट रचल्याचे आता पुढे आले आहे. हॉटेल मालक बाबुराव शेळके (Baburao Shelke) यांनी सांगितले की, “आमच्याकडे जेवण चांगले मिळते म्हणून मोठ्या संख्येने ग्राहकांची (Customers) गर्दी (Crowd) नेहमीच असते. या गर्दीत ८ डिसेंबरला कोण आले होते? या ठिकाणी काय झाले, हे आम्हाला माहीत नाही. परंतु चार दिवसांपूर्वी पोलीस अधिकारी आले होते. त्यांनी सीसीटीव्ही फुटेज तपासले होते. मात्र, त्या घटनेस २० दिवसांपेक्षा जास्त दिवस झाल्यामुळे त्या दिवसाचे सीसीटीव्ही फुटेज मिळाले नाही.”

मनोज जरांगे पाटलांची (Manoj Jarange Patil) मुख्यमंत्र्यांना विनंती :

दरम्यान, या प्रकरणात मनोज जरांगे पाटील यांनी मुख्यमंत्री देवेंद्र फडणवीस (CM Devendra Fadnavis) यांना पुन्हा विनंती केली आहे. ते म्हणाले, “माझी मुख्यमंत्र्यांना एकच विनंती आहे की यामधला एकही आरोपी सुटता कामा नये. कारण हे खूप मोठे षडयंत्र (Conspiracy) आहे. ही खूप मोठी टोळी (Gang) आहे. हे सगळे संपले पाहिजे. कारण खंडणीतले (Extortion) आणि खुनातील आरोपी एकच आहेत.”