Chandrashekhar Azad controversy | नगिना लोकसभा मतदारसंघाचे खासदार चंद्रशेखर आझाद (Chandrashekhar Azad) यांच्या विरोधात पीएचडी स्कॉलर डॉ. रोहिणी घावरी (Dr. Rohini Ghawari allegations) यांनी राष्ट्रीय महिला आयोगाकडे लैंगिक शोषणाची तक्रार दाखल केली आहे. याप्रकरणात महिला आयोगानेही दखल घेतली असून चौकशी सुरू केली आहे. चंद्रशेखर यांच्यावर गंभीर आरोप करत डॉ. रोहिणी यांनी ‘मी तुझ्याशी लग्न करेन’ असं सांगत अनेकदा फसवून शारीरिक संबंध ठेवले, असा दावा केला आहे.
तीन वर्षांचं नातं आणि फसवणुकीचा आरोप :
डॉ. रोहिणी या इंदूरच्या सफाई कामगाराच्या मुलगी असून 2019 मध्ये स्वित्झर्लंडला उच्च शिक्षणासाठी गेल्या होत्या. तिथेच चंद्रशेखर आझाद यांच्याशी त्यांची ओळख झाली आणि दोघांमध्ये तीन वर्षांचं रिलेशनशिप सुरू झालं. रोहिणीच्या म्हणण्यानुसार, चंद्रशेखर यांनी स्वतःला अविवाहित सांगून विश्वास संपादन केला आणि दिल्लीतील हॉटेल्स व निवासस्थानी बोलावून लग्नाचं आमिष दाखवत शारीरिक संबंध ठेवले.
रोहिणीने सांगितलं की, चंद्रशेखर (Chandrashekhar Azad) यांच्यावर विश्वास ठेवणं ही तिची मोठी चूक ठरली. “ते बहिणी-मुलींच्या इज्जतीची किंमत ठेवत नाहीत. त्यांनी भावनिकदृष्ट्या वापर करून मला फसवलं. आता कोणत्याही पुरुषावर विश्वास ठेवू शकत नाही,” असे तिने सोशल मीडियावर लिहिले आहे. तसेच, ‘मी विक्टिम नंबर 3 आहे’ असा दावाही करत तिने गंभीर आरोपांची मालिकाच उघडली आहे.
Chandrashekhar Azad controversy | राजकीय पातळीवर परिणाम; BSP मध्ये चिंता :
या प्रकरणामुळे बहुजन समाज पार्टीत (BSP)ही खळबळ उडाली आहे. अजूनही पक्षाकडून अधिकृत प्रतिक्रिया आलेली नसली तरी अंतर्गत चर्चेला वेग आला आहे. आगामी लोकसभा निवडणुकीत याचा थेट परिणाम चंद्रशेखर आझाद (Chandrashekhar Azad) यांच्या राजकीय प्रतिमेवर आणि पक्षाच्या निर्णयांवर होण्याची शक्यता व्यक्त केली जात आहे.
महिला आयोगाने चंद्रशेखर यांच्याकडून स्पष्टीकरण मागवले असले, तरी त्यांनी अद्याप कोणतीही प्रतिक्रिया दिलेली नाही. यामुळे प्रकरण अधिकच गंभीर बनत आहे. दरम्यान, रोहिणीच्या आरोपांमुळे लैंगिक शोषणविरोधी कायदे, महिला सन्मान आणि राजकीय नैतिकतेबाबत पुन्हा एकदा चर्चेचा केंद्रबिंदू उभा राहिला आहे. (Dr. Rohini Ghawari allegations)
