‘पूजा चव्हाणच्या आई-वडिलांनी इतके कोटी रूपये घेतले’; शांता राठोडांचा मोठा गौप्यस्फोट-

By टीम थोडक्यात On March 1, 2021 12:18 pm

Photo Courtesy- Facebook/Pooja lahu chavan, Trupti Desai

मुंबई | पूजा चव्हाणची चूलत आजी शांता राठोड यांनी पूजाच्या आई वडिलांवरच गंभीर आरोप केला आहे. हे प्रकरण दडपण्यासाठी संजय राठोड यांच्याकडून 5 कोटी रुपये घेतले, असा आरोप शांता राठोड यांनी केला आहे.

पूजा चव्हाणच्या आई-वडिलांवर खूप दबाव आहे. हे प्रकरण दाबण्यासाठी संजय राठोड यांनी पूजा चव्हाणच्या आई-वडिलांना पाच कोटी रूपये दिल्याचा गंभीर आरोप शांता राठोड यांनी केला आहे. त्यांनी यासंदर्भात एक व्हिडिओ शेअर केला आहे.

पूजाच्या आई-वडिलांनी घरातच ते 5 कोटी रुपये पुरून ठेवले आहेत. त्यांच्या घरात जावया-जावयांमध्ये भांडण सुरू आहेत. पूजाचे आई-वडील हे पैशापोटी बोलत आहे, मुख्यमंत्र्यांनी पूजाला योग्य तो न्याय द्यावा, अशी विनंतीही शांता राठोड यांनी केली आहे.

पूजाच्या आई वडिलांनी पैशापोटी स्वत:च्या लेकराची किंमत केली नाही. त्यांना चुलत आजीबद्दल काय वाटणार? समाजाची दिशाभूल झालेलीच आहे. आता पूजाचे आई-वडील मुख्यमंत्र्यांची दिशाभूल करत आहेत. पूजाचे आई वडील खोटं बोलत आहे, असं शांता राठोड यांनी म्हटलं आहे.

थोडक्यात बातम्या-