Share Market | शेअर बाजारातील (share market) गुंतवणूक अनेकांना फायदेशीर ठरते, पण बाजारात गुंतवणूक करताना सावधगिरी बाळगणे आणि सतत लक्ष ठेवणे आवश्यक आहे. गेल्या पाच वर्षांत एका शेअरने गुंतवणूकदारांना भरघोस परतावा दिला आहे. पाच वर्षांपूर्वी केवळ 13.40 रुपयांवर असलेला हा शेअर आता 1,999.90 रुपयांवर पोहोचला आहे, म्हणजेच पाच वर्षांत 14,825% परतावा (रिटर्न) मिळाला आहे.
पाच वर्षांपूर्वी या शेअरमध्ये एक लाख रुपयांची गुंतवणूक करणारा गुंतवणूकदार आता कोट्यधीश झाला आहे. त्याचे 1 लाखाचे दीड कोटी रुपये झाले आहेत. हा शेअर Indo Thai Securities कंपनीचा आहे.
Indo Thai Securities ची दमदार कामगिरी
Indo Thai Securities कंपनीची कामगिरी यावर्षीही दमदार राहिली. मागील आर्थिक वर्षात CY21 मध्ये 1,205% तर CY22 मध्ये 456% वाढ झाली आहे. यावर्षी म्हणजे 2024 मध्ये हा शेअर 53 टक्के वाढला आहे. सध्या शेअर बाजारात घसरण दिसत असली, तरी मागील सात महिन्यांत या शेअरमध्ये चांगली वाढ झाली आहे. सप्टेंबर महिन्यात 80.46% तर ऑगस्ट महिन्यात 55.51% वाढ झाली होती.
जर एखाद्या गुंतवणूकदाराने पाच वर्षांपूर्वी Indo Thai Securities कंपनीच्या शेअरमध्ये 1 लाख रुपये गुंतवले असते आणि ती गुंतवणूक आजपर्यंत कायम ठेवली असती, तर त्याचे मूल्य 1.49 कोटी रुपये झाले असते. यावरून शेअर बाजारात चांगले शेअर्स निवडल्यास आणि ते दीर्घकाळासाठी ठेवल्यास चांगला परतावा मिळू शकतो, हे पुन्हा एकदा सिद्ध झाले आहे. (Share Market)
गेल्या एका महिन्यात इंडो थाई सिक्युरिटीजचे शेअर्स 1.65 टक्क्यांनी वाढले आहेत, तर गेल्या एका वर्षात 506.52 टक्के वाढ झाली आहे. कंपनीच्या समभागांची 52 आठवड्यांची नीचांकी पातळी 667.00 रुपये आहे. कंपनीच्या शेअर्समध्ये 5 वर्षांत 8233.33 टक्क्यांनी वाढ झाली आहे. शुक्रवारी ट्रेडिंग दरम्यान कंपनीचे मार्केट कॅप (market cap) BSE वर 2,031.66 कोटी रुपये होते.
Title: Share Market This Stock Made Investors Rich
