बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

“परदेशात अज्ञातवासातात जाणाऱ्यांनी भूमीपुत्राच्या नावाने मते मागू नये”

सातारा |  खटावचा भूमिपुत्र म्हणून मतांचा जोगवा मागणाऱ्यांनी जि. प. सदस्य असताना काय दिवे लावले याचा हिशेब द्यावा. ज्या राष्ट्रवादीच्या चिन्हावर तुम्हाला खटाव, पुसेगावच्या मतदारांनी निवडून दिलं. त्याच मतदारांचा विश्वासघात करून राजकीय अज्ञातवासात का गेला होतात? परदेशात अज्ञातवासातात जाणाऱ्यांनी भूमीपुत्राच्या नावाने मते मागू नये, अशी टीका शशिकांत शिंदे यांनी केली आहे.

10 वर्षांपूर्वी मी कोरेगाव विधानसभा मतदारसंघातून आमदार झालो ते फक्त जनतेच्या प्रेमापोटी त्यावेळी विद्यमान पोस्टरबॉय कुठे होते? त्यावेळी का सुचलं नाही शशिकांत शिंदे भूमीपुत्र नाहीत, असा सवाल शिंदे यांनी विचारला आहे.

मताचा जोगवा मागणारे हे विसरतात की या मतदारसंघात अजूनही 2 तालुके येतात. शिवसेनेच्या कार्यकर्त्यांनी आपल्या या आयात उमेदवारांची संकुचित वृत्ती चांगलीच लक्षात ठेवावी. हा शशिकांत शिंदे महाराष्ट्राच्या मातीत जन्मला आहे, असं ते म्हणाले.

दरम्यान, स्वत:ला भूमिपुत्र म्हणून घेणारे निवडणुकीनंतर पुन्हा अज्ञातवासातजातील त्यामुळे जनता तुमच्या भावनिक आवाहनाला बळी पडणार नाही, असा आशावाद शिंदे यांनी व्यक्त केला आहे.

महत्वाच्या बातम्या-

 

 

 

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More