Entertainment News | कांटा लगा’ या गाण्यामुळे प्रसिद्ध झालेली अभिनेत्री शेफाली जरीवाला आजही या गाण्यामुळे ओळखली जाते. शेफाली सध्या अभिनयापासून दूर असली तरी सोशल मीडियावर ती बऱ्यापैकी सक्रिय असते. इन्स्टाग्राम अकाऊंटवर तिचा मोठा चाहतावर्ग असून त्यावर ती स्वतःचे फोटो आणि व्हिडिओ शेअर करत असते. शेफाली अनेकदा तिच्या बोल्ड अंदाजामुळेही चर्चेत असते.
नुकताच तिचा एअरपोर्टवरील एक व्हिडिओ सोशल मीडियावर चर्चेत आला आहे. यामध्ये ती पती पराग त्यागीसोबत एअरपोर्टवर रोमँटिक होताना दिसून येत आहे. सार्वजनिक ठिकाणी या दोघांचा लिपलॉक करतानाचा हा व्हिडिओ पाहून नेटकऱ्यांनी त्यावर विविध प्रतिक्रिया दिल्या आहेत.
काय आहे प्रकरण?
शेफालीचा (Shefali Jariwala) पतीसोबतचा हा रोमँटिक व्हिडिओ पापाराझींनी सोशल मीडियावर पोस्ट केला आहे. अल्पावधीतच हा व्हिडिओ व्हायरल झाला असून त्यावरून काहींनी टीका केली आहे. या व्हिडिओमध्ये पराग आणि शेफाली लिपलॉक करताना दिसून येत आहेत. सार्वजनिक ठिकाणी सेलिब्रिटींनी अशा गोष्टी करणे टाळावे, असा सल्ला नेटकऱ्यांनी दिला आहे.
View this post on Instagram
‘सार्वजनिक ठिकाणी हे सर्व करण्याची काय गरज?’, असे एकाने लिहिले आहे. तर, ‘तुम्हाला घर नाही का?’, असाही सवाल दुसऱ्याने केला. ‘अशी कृत्ये करून ही लोकं भारतीय संस्कृती खराब करत आहेत’, अशा शब्दांत नेटकऱ्यांनी टीका केली आहे.
शेफाली आणि परागचे लग्न-
शेफाली (Shefali Jariwala) आणि पराग हे लग्नाआधी बरीच वर्षे एकमेकांसोबत लिव्ह-इन रिलेशनशिपमध्ये राहत होते. त्यानंतर 2014 मध्ये दोघांनी कोर्ट मॅरेज केले. त्याआधी 2004 मध्ये शेफालीने हरमीत सिंहशी पहिले लग्न केले होते. मात्र लग्नाच्या पाच वर्षांतच त्यांचा घटस्फोट झाला. 2009 मध्ये शेफाली आणि हरमीत विभक्त झाले.
मी आई होऊ शकले नाही-
शेफाली आणि परागने बाळासाठी अनेक प्रयत्न केले. मात्र त्यात त्यांना यश मिळाले नाही. याविषयी एका पॉडकास्ट मुलाखतीत ती म्हणाली, “माझ्या आणि परागच्या वयात फार अंतर आहे. त्यामुळे मी आई होऊ शकले नाही. गर्भधारणेत मला बऱ्याच समस्या आल्या. आम्ही दोघांनी बाळासाठी सर्व प्रयत्न केले. आता असे वाटते जे आमच्या नशिबात असेल ते होईल.