‘राज्यात हे काय सुरू आहे?’; संजय राऊतांचा थेट राज्यपालांना प्रश्न

By Sanjana. Hebbalkar On July 16, 2022 9:32 pm

Photo Credit- Facebook/ Sanjay Raut & Bhagatsinh Koshyari

मुबंई | शिंदे सरकार अस्तित्वात आलं. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी शपथ घेतली. सत्तेत आल्यानंतर दोघांनी अनेक निर्णय घेतले. राज्यातला कोणताही निर्णय घ्यायचं म्हटलं तर मंत्रिमंडळाची गरज लागते. आता मात्र नव्या सरकारच्या मंत्रिमंडळ बैठकीत फक्त दोन मंत्री सध्या निर्णय घेताना दिसत आहेत. यावरून शिवसेना प्रवक्ते संजय राऊतांनी थेट राज्यापालांना प्रश्न विचारला आहे.

भारतीय राज्यघटनेच्या कलम 164 1A नुसार राज्याचे मंत्रीमंडळ किमान 12 मंत्र्यांचं असणं बंधनकारक आहे. त्यापेक्षा कमी संख्येचा मंत्रिमंडळाला घटनेची मान्यता नाही. गेले 2 आठवडे महाराष्ट्रात 2 मंत्र्यांचे मंत्रीमंडळ जे निर्णय घेतेय त्याला घटनात्मक वैधता नाही राज्यपाल, हे काय सुरू आहे?, असं टविट् करत संजय राऊत यांनी राज्यापालांना सवाल केला आहे.

मविआच्या औरंगाबादच्या निर्णय रद्द करत पुन्हा आपला निर्णय दिल्याबद्दल फडणवीस म्हणाले “हे सर्व निर्णय राज्यपाल यांचं बहुमत सिद्ध करण्याची नोटीस आल्यानंतर मविआ घेतले गेले होते. त्यामुळे ते वैध नाहीत.” त्यामुळे हे निर्णय रद्द करत आम्ही निर्णय दिला आहे.

मंत्रिमंडळाचा विस्तार रखडला आहे. येत्या 20 जुलै रोजी मंत्रिमंडळ विस्तार (Cabinet expansion) होणार आहे. पहिल्या टप्प्यात दहा ते बारा मंत्र्यांना शपथ दिली जाणार आहे, मंत्रिमंडळ विस्तारामध्ये शिंदे गटातील पाच ते सहा मंत्र्यांना तर भाजपच्या सहा ते सात मंत्र्यांना शपथ दिली जाण्याची शक्यता आहे.

थोडक्यात बातम्या

डायबिटीस असणाऱ्या पेशंटसाठी अत्यंत महत्त्वाची बातमी!