सर्वांत मोठी बातमी! ठाकरे गटाच्या आमदाराचा भीषण अपघात

January 18, 2025

Shivsen UBT MLA Sunil Shinde Car Accident

Sunil Shinde | मुंबईतील वाहतुकीच्या गजबजलेल्या रस्त्यांवर शिवसेना (यूबीटी) आमदार सुनील शिंदे (Sunil Shinde) यांच्या गाडीला बेस्ट बसने (BEST Bus) धडक दिल्याची घटना घडली. हा अपघात दादर (Dadar) परिसरात 18 जानेवारी रोजी झाला. मात्र, सुदैवाने या घटनेत कोणतीही जीवितहानी झाली नाही, ही दिलासा देणारी बाब आहे.

गाडीचे मोठे नुकसान झाले असले तरी आमदार शिंदे आणि त्यांचा चालक (Driver) सुखरूप आहेत. अपघाताच्या काही मिनिटांपूर्वीच आमदार गाडीतून उतरल्याने मोठा अनर्थ टळला. ही घटना पुन्हा एकदा मुंबईतील सार्वजनिक वाहतुकीच्या सुरक्षिततेविषयी प्रश्न निर्माण करत आहे.

अपघात कसा घडला?

अपघाताच्या वेळी आमदार सुनील शिंदे आपल्या गाडीतून उतरून शाखेकडे चालत जात होते. त्याच वेळी, एका बेस्ट बसने त्यांच्या कारला धडक दिली. सुदैवाने या अपघातात गाडीत बसलेला चालक सुरक्षित राहिला.

हा अपघात नेमका कसा झाला याची चौकशी सुरू आहे. प्राथमिक माहितीनुसार, बेस्ट बसच्या चालकाचा (Bus Driver) वाहनावरील ताबा सुटल्यामुळे हा अपघात झाला असावा, असा अंदाज व्यक्त केला जात आहे. (Sunil Shinde)

‘या’ घटनांमुळे बेस्ट बस वादात

मुंबईत याआधीही बेस्ट बसच्या अपघातांचे अनेक प्रकार घडले आहेत. डिसेंबर 2024 मध्ये कुर्ला (Kurla) परिसरात एका बेस्ट बसने मोठा अपघात घडवला होता. या घटनेत 7 जणांचा मृत्यू झाला, तर 49 जण जखमी झाले होते. बेस्ट बसमुळे वारंवार होणारे अपघात ही मुंबईसाठी गंभीर समस्या बनली आहे. या घटनांमुळे वाहतुकीच्या सुरक्षिततेविषयी नागरिकांमध्ये नाराजीचा सूर उमटत आहे. (Sunil Shinde)

बेस्ट बस किंवा अन्य सार्वजनिक वाहतूक व्यवस्थेतील चालकांनी अधिक दक्षता घेणे आवश्यक आहे. मुंबईसारख्या गजबजलेल्या शहरात रस्त्यांवरील वाहतुकीचे नियम काटेकोरपणे पाळणे आणि सुरक्षितता सुनिश्चित करणे गरजेचे आहे.

अशा घटना टाळण्यासाठी वाहतूक पोलिसांकडून (Traffic Police) कठोर उपाययोजना अपेक्षित आहेत. शिवाय, बेस्ट प्रशासनाने आपल्या चालकांना अधिक प्रभावी प्रशिक्षण देणे आणि त्यांचे आरोग्य तपासणेही महत्त्वाचे ठरते.