बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

तज्ज्ञ अहवाल आता आवरा आणि इशाऱ्यांचे नगारे देणे थांबवा; संजय राऊत संतापले

मुंबई |  जागतिक आरोग्य संघटना तसंचआरोग्यावर भाष्य करणाऱ्या विविध संख्या संघटना ह्या कोरोनाच्या काळात विविध आकडेवारी प्रसिद्ध करत आहेत. तसंच अहवाल सादर करून अनेक इशारे देखील देत आहेत. या आकड्यांमुळे सामान्य माणसावर परिणाम होऊन तो घाबरून जातो आहे. तज्ज्ञ अहवाल आता आवरा आणि इशाऱ्यांचे नगारे देणे आता थांबवा, अशी संतप्त प्रतिक्रिया शिवसेना नेते आणि खासदार संजय राऊत यांनी दिली आहे.

आजच्या सामनामधून जागतिक आरोग्य संघटनेवर तसंच युनिसेफ आणि विविध संघटनांच्या आकडेवारीवर तसंच अहवालावर संजय राऊत यांनी ताशेरे ओढले आहेत. निष्कर्ष जनतेच्या प्रबोधनासाठी जाहीर होतात हे गृहीत धरले तरी सध्याचे कोरोना हे ‘न भूतो’ असे संकट आहे. त्याला सामान्य माणूस प्रथमच तोंड देत आहे. त्यामुळे त्याच्या मानसिक आरोग्यावर विपरित परिणाम करणारे आणि कोरोना संसर्गापेक्षा भीतीचा प्रादुर्भावच समाजात फैलावणारे ‘तज्ञ’ अहवाल आता आवरा, असं ते म्हणाले.

कोरोनावर जागतिक आरोग्य संघटनेपासून इतर छोट्या-मोठ्या संस्थांचे अहवाल आणि त्यांचे निष्कर्ष यांची भर पडत आहे. हे संशोधन, अभ्यास जनतेच्या भल्यासाठी केला जात आहे हे मान्य, पण त्यामुळे जर आधीच कोरोनाभयाने ठास्त असलेली जनता अधिक घाबरणार असेल तर कसे चालेल? जे अहवाल सद्यस्थितीत उपयुक्त आहेत ते ठीक, पण जे तसे नाहीत ते तूर्त गुंडाळून ठेवायला काय हरकत आहे, अशी विचारणा राऊत यांनी केली आहे.

मध्यंतरी केंद्र सरकारच्याच एका यंत्रणेने 15 मार्चपर्यंत 6 लाख मुंबईकरांना कोरोना होण्याचा अंदाज व्यक्त केला होता. आणखीही काही आकडेमोड केली होती. आज 15 मेनंतर मुंबईतील कोरोनाग्रस्तांचा आकडा किती आहे, हे सगळ्यांनाच माहीत आहे. तो कमी व्हायला हवा हे मान्य केले तरी 6 लाखांच्या ‘निष्कर्षा’ने त्यावेळी फक्त सनसनाटी आणि भीतीची लहरच पसरवली असेच आता म्हणावे लागेल, असं राऊत म्हणाले.

ट्रेंडिंग बातम्या-

“आम्ही मोदींसारखे ड्रामेबाज नाही, जेव्हा मत हवं असतं तेव्हा ते मजुरांचे पाय धुतात”

उद्धवा अजब तुझे सरकार, गजब तुझा कारभार; सोमय्यांचा पुन्हा राज्य सरकारवर निशाणा

महत्वाच्या बातम्या-

“मोदींनी जाहीर केलेलं 20 लाख कोटींचं पॅकेज फसवं; प्रत्यक्षात 3 लाख 22 हजार कोटीच खर्च होणार”

आईने शेतात काबाडकष्ट करून शिकवलं; सोलापूरच्या मुलानं देशात नाव कमावलं

पुण्यात आजही 200 पेक्षा जास्त कोरोनाबाधित रुग्णांची नोंद, पाहा सर्व आकडेवारी

Comments are closed.

This website uses cookies to improve your experience. We'll assume you're ok with this, but you can opt-out if you wish. AcceptRead More