शोएबला भारतात असलेली त्याची पत्नी सानियाला भेटायचं आहे पण…

By Thodkyaat On June 29, 2020 8:19 am

हैदराबाद | जगभरात कोरोना व्हायरसने धुमाकूळ घातला आहे. त्यामुळे सार्वजनिक वाहतूक व्यवस्था सध्या बऱ्याचश्या ठिकाणी बंद आहे. इंटरनॅशल विमानांची वाहतूक देखील मोठ्या प्रमाणात बंद आहे. याचमुळे पाकिस्तानी क्रिकेटर शोएब मलिकला त्याची पत्नी सानियाला भेटता येत नाहीये.

कोरोनाचा भारतात संसर्ग सुरू झाल्यापासून भारतात लॉकडाऊन करण्यात आला आहे. त्यामुळे दुसऱ्या देशातून भारतात एन्ट्री मिळणं जिकीरीचं काम झालं आहे. परंतू गेल्या 5 महिन्यांपासून शोएबने त्याची पत्नी आणि मुलाची भेट घेतलेली नाहीये.

मुलाची आणि पत्नीची भेट घेण्यासाठी शोएब आतुर झाला आहे. परंतू त्याचे कोरोना रिपोर्ट अहवाल येणे अद्याप बाकी आहे. त्यामुळे तो सध्या भारतात येऊ शकत नाहीये. कोरोनाचे अहवाल आल्यानंतर भारतात येण्यासंबंधी तो रितसर परवानगी घेऊन पुढील कार्यवाही करणार असल्याचं सांगितलं जातंय.

दरम्यान, येत्या 28 जूनला पाकिस्तानी खेळाडूंचा संघ इंग्लंडच्या दौऱ्यासाठी रवाना होणार आहे. या दौऱ्यावर जाण्याआधी शोएब पत्नी सानियाला भेटून जाणार असल्याचं सांगितलं जात आहे.

ट्रेंडिंग बातम्या-