छत्रपती संभाजी महाराजांच्या अटकेनंतरचा इतिहास दाखवाच, कारण…

By टीम थोडक्यात On February 22, 2020 8:51 pm

नाशिक | झी मराठी वाहिनीवरील प्रसिद्ध ‘स्वराज्यरक्षक संभाजी’ या मालिकेतील छत्रपती संभाजी महाराजांना कैद केल्यानंतरचे भाग वगळावे, अशी मागणी शिवसेनेचे नेते आणि माजी राज्यमंत्री अर्जुन खोतकर यांनी केली होती. यावर मालिकेतील राणू अक्काची भूमिका साकारणाऱ्या अभिनेत्री आश्विनी महांगडे यांनी खोतकरांना प्रत्युत्तर दिलं आहे.

खोतकरांविषयी मला आदर आहे. पण आत्ताच्या पिढीला आणि लहान मुलांना छ. संभाजी महाराजांनी स्वराज्यासाठी किती यातना सोसल्या आहेत त्यांना कळायला हवं. इतिहासातील लेखणानुसार कुठेही रक्त दाखवलं जाणार नसल्याचं आश्विनी महांगडे यांनी सांगितलं आहे.

नाशिक महापालिकेच्या पुष्पप्रदर्शनाच्या उद्घाटनावेळी त्या आल्या होत्या. यावेळी येताना आश्विनी महांगडे राणू अक्काच्या वेशात आल्या होत्या. नाशिककरांनीही त्याचं जोरदार स्वागत केलं.

दरम्यान, मालिकेत काय दाखवायचं आणि काय नाही याबाबत निर्माते नाही तर झी वाहिनी निर्णय घेते, असं मालिकेतील संभाजी महाराजांची भूमिका साकारणारे अमोल कोल्हेंनी सांगितलं आहे.

ट्रेंडिंग बातम्या