कामाला जा पैसे कमवून आण…, 75 वर्षीय वृद्ध आईला मुलांनी घरातून हाकललं

By टीम थोडक्यात On February 1, 2020 8:13 am

बुलडाणा | शेतात कामाला जा आणि कमवून आण, असं म्हणत 75 वर्षीय वृद्ध आईला मुलांनी घरातून हाकलून दिल्याचा धक्कादायक प्रकार समोर आला आहे. ही घटना बुलडाणा येथे घडली आहे.

वयोवृद्ध आईला घरातून बाहेर काढल्याने वृद्ध आई खामगावच्या सामान्य रूग्णालयाचा सहारा घेत कसेबसे खाऊन जीवन जगत आहेत. द्वारकाबाई पल्हाडे असं या वयोवृद्ध आईचं नाव आहे.

हद्यद्रावक घटनेमुळे परिसरातील नागरिकांचे मन हेलावलं आहे. वृद्ध आईने पोलिसांत तक्रार दिल्यावर आता पोलिसांकडून त्या वृद्ध आईला सुखरूप घरी पोहोचवण्याचे प्रयत्न सुरू आहेत.

दरम्यान, द्वारकाबाई या 75 वर्षांच्या आहेत. त्या दोन मुलं, सून आणि नातवंडांसह पळशी येथे राहतात. मात्र काही दिवसांपासून द्वारकाबाई पल्हाडे यांना त्यांचा मुलगा सहदेव आणि वासुदव पल्हाडे यांनी घरातून हाकलून दिलं आहे.

ट्रेंडिंग बातम्या-