Sourav Ganguly Biopic l कपिल देव (Kapil Dev), एम एस धोनी (MS Dhoni) आणि मिताली राज (Mithali Raj) यांसारख्या दिग्गज क्रिकेटपटूंच्या जीवनावर आधारित चित्रपट बनले आहेत. आता या यादीत भारतीय क्रिकेट संघाचे माजी कर्णधार सौरव गांगुली (Sourav Ganguly) यांचे नावही जोडले जाणार आहे.
गांगुलीची भूमिका साकारणार राजकुमार राव :
सौरव गांगुली यांनी स्वतः एका मुलाखतीत या वृत्ताला दुजोरा दिला आहे की, त्यांच्या जीवनावर बायोपिक (biopic) बनणार आहे आणि अभिनेता राजकुमार राव (Rajkummar Rao) त्यांची भूमिका साकारणार आहे. या भूमिकेसाठी यापूर्वी आयुष्मान खुराना (Ayushmann Khurrana), रणबीर कपूर (Ranbir Kapoor) आणि प्रोसेनजीत चॅटर्जी (Prosenjit Chatterjee) यांच्या नावांची चर्चा होती.
सौरव गांगुली यांनी एका मुलाखतीत सांगितले, “मी ऐकल्याप्रमाणे, राजकुमार राव मुख्य भूमिकेत असेल, परंतु तारखांबाबत काही अडचणी आहेत. त्यामुळे चित्रपट प्रदर्शित व्हायला एक वर्षापेक्षा जास्त वेळ लागू शकतो.”
Sourav Ganguly Biopic l सौरव गांगुलीची कारकीर्द :
सौरव गांगुली भारतीय संघाच्या यशस्वी कर्णधारांपैकी एक आहेत. त्यांच्या नेतृत्वाखाली भारताने 2002 आयसीसी चॅम्पियन्स ट्रॉफीमध्ये (ICC Champions Trophy) संयुक्त विजेतेपद मिळवले आणि 2003 च्या विश्वचषक स्पर्धेत अंतिम फेरी गाठली. एकदिवसीय क्रिकेटमध्ये सर्वाधिक धावा करणाऱ्या खेळाडूंच्या यादीत गांगुली नवव्या स्थानावर आहेत. त्यांनी एकदिवसीय कारकिर्दीत 11,363 धावा केल्या. आंतरराष्ट्रीय कारकिर्दीत त्यांनी एकूण 18,575 धावा केल्या.
‘या’ क्रिकेटपटूंवरही बनले चित्रपट :
सौरव गांगुली यांच्या बायोपिकच्या प्रदर्शनाची तारीख अद्याप जाहीर झालेली नाही. यापूर्वी एम एस धोनी, मोहम्मद अझरुद्दीन (Mohammad Azharuddin), कपिल देव, प्रवीण तांबे (Pravin Tambe) आणि मिताली राज यांच्यावर बायोपिक बनले आहेत. सचिन तेंडुलकर (Sachin Tendulkar) यांच्या जीवनावर एक डॉक्युमेंटरी (documentary) देखील प्रदर्शित झाली आहे. सौरव गांगुली व्यतिरिक्त युवराज सिंगच्या (Yuvraj Singh) बायोपिकवरही काम सुरू आहे, पण त्याची प्रदर्शनाची तारीख अद्याप जाहीर झालेली नाही.
