पक्ष तिकीट देईल की नाही माहित नाही, मात्र तुम्ही सोबत रहा- सुजय विखे

By Thodkyaat On October 31, 2018 3:48 pm

अहमदनगर | लोकसभेला पक्ष उमेदवारी देईल का नाही हे सांगता येत नाही, मात्र श्रीगोंदेकरांनी माझ्यासोबत राहावे, असं आवाहन डाॅ. सुजय विखेंनी केलं आहे. ते श्रीगोंद्यात एका कार्यक्रमात बोलत होते.

राजकारणात आलो ते कुणाच्या डोक्यावर बसून नव्हे, अथवा सत्ता भोगण्यासाठीही नाही. सामान्यांना न्याय देण्यासाठी लढत आहे, असंही ते म्हणाले.

लोकसभा निवडणूक जागा वाटपात काय होईल ते नंतर ठरेल, पक्ष मला न्याय देईल की नाही हेही आत्ता सांगता येत नाही, मात्र लोक माझ्यासोबत राहतील. जे लोक आमच्यासोबत राहतील त्यांना विखे कुटुंबाची आयुष्यभर मदत होईल, असं त्यांनी सांगितलं.

दरम्यान, राजकारणात घराणेशाही आहे, आमच्यावरही आरोप होतात, पण लोक स्वीकारतात. काही ठिकाणी चौथी पिढी राजकारणात आहे. आम्ही लोकांच्यातील कार्यकर्ते आहोत, असंही ते म्हणाले.

महत्त्वाच्या बातम्या-