Swara Bhaskar | अभिनेता विकी कौशलच्या (Vicky Kaushal) ‘छावा’ चित्रपटाला प्रेक्षकांचा चांगला प्रतिसाद मिळत आहे. या चित्रपटातील विकीच्या भूमिकेचे सर्वत्र कौतुक होत आहे. (Swara Bhaskar)
चित्रपटात छत्रपती संभाजी महाराजांना (Chhatrapati Sambhaji Maharaj) कैद केल्यानंतर मुघल बादशाह औरंगजेबाने (Aurangzeb) त्यांचे हालहाल करून त्यांना कसे मारले, याचे चित्रण करण्यात आले आहे. हे पाहून अनेकांच्या डोळ्यातून अश्रू येतात. याच मुद्द्यावरून अभिनेत्री स्वरा भास्करने एक वादग्रस्त ट्वीट केले आहे, ज्यामुळे तिला सोशल मीडियावर ट्रोल (troll) केले जात आहे.
स्वरा भास्करचे ट्वीट
स्वरा भास्करने एक्स (X) अकाउंटवर (account) लिहिले की, “गैरव्यवस्थापनामुळे चेंगराचेंगरीत भयानक मृत्यू होतात. या भयावह मृत्यूनंतर बुलडोझरने मृतदेह उचलले गेले. अशा परिस्थितीत, त्या गोष्टीवर चिंता व्यक्त न करता ५०० वर्षांपूर्वी हिंदूंवर झालेला काल्पनिक अत्याचार पाहून संताप व्यक्त करतोय. तो समाज बुद्धीनं आणि आत्म्याने मृत पावलेला समाज आहे.” या ट्वीटमध्ये स्वराने ‘छावा’ चित्रपट आणि प्रयागराजमधील (Prayagraj) चेंगराचेंगरी यांचा संबंध जोडण्याचा प्रयत्न केला आहे.
स्वरा भास्करचे हे ट्वीट सध्या सोशल मीडियावर व्हायरल होत आहे. अनेकांनी तिच्या या विधानावर संताप व्यक्त केला आहे. प्रयागराज येथील महाकुंभमेळ्यात (Mahakumbh Mela) कोट्यवधी लोकांनी हजेरी लावली होती. तेथे चेंगराचेंगरीची घटना घडली, ज्यात अनेक नागरिकांनी जीव गमावला. याच घटनेचा उल्लेख करत स्वराने हे ट्वीट केले आहे.
‘छावा’ चित्रपटाबद्दल माहिती
लक्ष्मण उतेकर (Laxman Utekar) दिग्दर्शित ‘छावा’ चित्रपटात विकी कौशलसोबत अक्षय खन्ना (Akshay Khanna) आणि रश्मिका मंदाना (Rashmika Mandana) यांच्याही प्रमुख भूमिका आहेत. पहिल्याच आठवड्यात या चित्रपटाने बॉक्स ऑफिसवर (box office) चांगली कमाई केली आहे.
Title : Swara Bhaskar Controversial Tweet on ‘Chhava’ Movie
