Tanaji Sawant | आगामी विधानसभा निवडणुकीच्या पार्श्वभूमीवर महाविकास आघाडीसह महायुती जोरदार तयारीला लागली आहे. नेत्यांच्या राज्य दौऱ्याला देखील सुरुवात झाली आहे. अशात महायुतीमधील अंतर्गत वाद आता उफळून आला आहे. अजित पवार यांच्या राष्ट्रवादीबाबत शिंदे गटाच्या नेत्याने एक वादग्रस्त विधान केलं आहे. यामुळे महायुतीमधील घटक पक्षाचा वाद आता समोर आला आहे. शिंदे गटाच्या मंत्र्यांने खळबळजनक विधान केले असून त्यांनी केलेल्या वक्तव्यामुळे महायुतीमध्ये वादाची ठिणगी पडण्याची शक्यता आहे. (Tanaji Sawant)

शिंदे गटाचे धाराशिवचे पालकमंत्री तानाजी सावंत (Tanaji Sawant) यांनी एका कार्यक्रमावेळी अजित पवार यांच्या राष्ट्रवादीबद्दल खळबळजनक विधान केलं. त्यांनी राष्ट्रवादीसोबत असल्याने उलट्या होतात, असं म्हटलं आहे. यामुळे अजित पवार गट चांगलाच भडकला आहे.

तानाजी सावंत यांचं खळबळजनक विधान

“मी एक कट्टर शिवसैनिक आहे. त्यामुळे काँग्रेस आणि राष्ट्रवादी काँग्रेसशी आपले आयुष्यात कधीच पटले नाही. शाळेत असल्यापासून आतापर्यंत त्यांच्यासोबत कधीच पटले नाही. आम्ही कॅबिनेटमध्ये मांडीला मांडी लावून बसलो असलो तरी बाहेर आल्यानंतर उलट्या होतात. ते सहन होत नाही.”, असं धक्कादायक विधान तानाजी सावंत (Tanaji Sawant)यांनी केलं आहे.

तानाजी सावंत नागरिकांशी संवाद साधतानाचे व्हिडिओ व्हायरल झाले आहेत. यामध्ये त्यांनी राष्ट्रवादी काँग्रेसवर जोरदार टीका केली आहे. काँग्रेस, राष्ट्रवादीची आपल्याला अॅलर्जी आहे. पुडी खाल्ल्यावर जशी उलटी होते तशी. आम्ही तत्वाशी बांधील आहोत, असंही सावंत म्हणाले आहेत.

जे खेकड्यामुळे धरण फुटले म्हणू शकतात , हाफकिन संस्थेला माणुस म्हणु शकतात,इतकंच काय आपला बुम ता. परंडा जि. धाराशिव येथील भैरवनाथ साखर कारखान्याचे उद्घाटन पवार साहेबांच्या हस्ते करू शकतात, दादांकडून निधी घेऊ शकतात ते काहीही बोलु शकतात.😄#मळमळमंत्री pic.twitter.com/77zDbCOO6i

— आ. अमोल गोदावरी रामकृष्ण मिटकरी (@amolmitkari22) August 29, 2024

अजित पवार गटाच्या नेत्याची सत्तेतून बाहेर पडण्याची भाषा-

तानाजी सावंत यांच्या या विधानावर आता राष्ट्रवादी काँग्रेस अजित पवार गटाचे मुख्य प्रवक्ते उमेश पाटील यांनी प्रतिक्रिया दिली आहे. तानाजी सावंत जे बोलले ते ऐकून घेण्यापेक्षा सत्तेतून बाहेर पडलेले बरं, अशी नाराजी उमेश पाटील यांनी बोलून दाखवली. तसेच, महायुती झाली म्हणून सावंत मंत्री झाले, हे त्यांनी विसरू नये असंही पाटील म्हणाले.

आमदार अमोल मिटकरी यांनी देखील सावंत यांच्या वक्तव्यावर ट्वीट करत प्रत्युत्तर दिलं आहे. “जे खेकड्यामुळे धरण फुटले म्हणू शकतात , हाफकिन संस्थेला माणुस म्हणु शकतात,इतकंच काय आपला बुम ता. परंडा जि. धाराशिव येथील भैरवनाथ साखर कारखान्याचे उद्घाटन पवार साहेबांच्या हस्ते करू शकतात, दादांकडून निधी घेऊ शकतात ते काहीही बोलु शकतात.”, असा टोला मिटकरी यांनी लगावला आहे. (Tanaji Sawant)

तानाजी सावंतांची आणखी एक व्हायरल क्लिप

दरम्यान, सोशल मीडियावर तानाजी सावंत यांची आणखी एक क्लिप सध्या व्हायरल होत आहे. यामध्ये तानाजी सावंत हे धाराशिव लोकसभा बाबतीत बोलताना दिसत आहेत. “आपल्या मनाविरुद्ध तिकीट गेलं. ज्याला आपण मतदान करत नव्हतो त्यांना तिकीट दिलं. त्यामुळे मी मतदान करा असे म्हणायला तुमच्यापार्यंत आलो नाही. कारण आपल्यालाच पटलेलं नव्हतं” असे वक्तव्य तानाजी सावंत यांनी केलं आहे. मात्र, तानाजी सावंत (Tanaji Sawant) यांची ही व्हायरल क्लिप नेमकी कधीची आहे याबाबतीत सध्या कोणतीही माहिती उपलब्ध नाही. सध्या ही क्लिप सोशल मीडियावर व्हायरल होत आहे.

शिवसेना शिंदे गटाचे मंत्री तानाजी सावंत यांचा एक व्हिडिओ सोशल मिडीयावर व्हायरल होतो आहे, पण तो कधीचा आहे त्याबाबत संपूर्ण माहिती मिळू शकलेली नाही.#TanajiSawant #Ajitpawar #NCP #Shivsena #EknathShinde pic.twitter.com/ESZpqUuBCN

— Ankita Shantinath Khane (@KhaneAnkita) August 30, 2024

News Title – Tanaji Sawant controversial statement about ncp

महत्त्वाच्या बातम्या-

शिवरायांचा पुतळा कोसळण्यामागे ठाकरे गटाच्या नेत्याचा हात?, निलेश राणेंचा गंभीर आरोप

महाराष्ट्रात धडकणार मोठं संकट, पुढील 24 तास धोक्याचे?; IMD चा स्पष्ट इशारा

गुड न्यूज! पेट्रोल ‘इतक्या’ रुपयांनी स्वस्त?, जाणून घ्या लेटेस्ट दर

आज लक्ष्मीच्या कृपेने ‘या’ राशी होणार धनवान, सर्व अडचणीही दूर होणार!

भाजपच्या ‘या’ बड्या नेत्याला मनोज जरांगे पाटलांचा थेट इशारा