“मोदी सरकारकडून घटनेवर हल्ला, राज्यघटनेचं संरक्षण करावं लागेल”

By टीम थोडक्यात On January 26, 2021 2:02 pm

मुंबई | आज 75 वा प्रजासत्ताकदिनानिमित्त राज्यातील प्रदेश काँग्रेस कार्यालय मुख्यालयात प्रदेशाध्यक्ष बाळासाहेब थोरात यांच्या हस्ते ध्वजारोहण झालं. ध्वजारोहणानंतर त्यांनी माध्यमांशी संवाद साधला. त्यावेळी त्यांनी मोदी सरकारवर टीकास्त्र सोडलं आहे.

देशाची मूल्यवान आदर्श घटना, अखंड भारताचं भवितव्य जिच्या हाती आहे तिला अलीकडच्या सहा वर्षात धक्का लागतोय अशी भीती वाटते. मोदी सरकार घटनांच्या मुल्ये पाळत नाही. त्यामुळं घटनेचं संरक्षण करावं लागणार आहे, असं थोरात यांनी म्हटलं आहे.

तसंच समता हे घटनेचं मुलभूत तत्त्व आहे, तेच काँग्रेसचं तत्त्व आहे, असंही बाळासाहेब थोरात यांनी म्हटलं.

दरम्यान, केंद्र सरकारनं लागू केलेल्या कृषी कायद्यांना विरोध म्हणून तसंच काही प्रमुख मागण्यांसाठी मुंबईत हजारो शेतकरी जमा झाले. मात्र राज्यपाल राजभवनात नसल्यानं शेतकऱ्यांना त्यांच्या मागण्याचं निवेदन राज्यपालांना देता आलं नाही.

थोडक्यात बातम्या-