’40 जागा देऊ’ या वंचितच्या ऑफरवर काँग्रेस म्हणते…

By Thodkyaat On July 3, 2019 8:19 pm

मुंबई | विधानसभा निवडणुकीसाठी आम्ही काँग्रेसला 40 जागा देतो, अशी ऑफर वंचित बहुजन आघाडीने आज काँग्रेसला दिली होती. यावर काँग्रेस प्रवक्ते सचिन सावंत यांनी ‘वंचित’चे हे वक्तव्य अतिशय गमतीशीर आहे, असं म्हणत त्यांच्या वक्तव्याची खिल्ली उडवली आहे.

देशात आणि राज्यात लोकशाहीला धोका निर्माण झालेला असताना काँग्रेसची भूमिका लोकशाहीचं रक्षण करण्याची आहे. काँग्रेसबरोबर धर्मनिरपेक्ष पक्षांनीदेखील हाच विचार करावा, असं काँग्रेसने म्हटलं आहे.

दिलेला प्रस्ताव जर काँग्रेसला मान्य असेल तर त्यांनी 10 दिवसांत आमच्याशी संपर्क करावा, असं पत्रकार परिषद घेत वंचितने म्हटलं होतं.

दरम्यान, धर्मनिरपेक्ष आणि पुरोगामी पक्षांनी एकत्र यायला हवं अशीच काँग्रेसची भूमिका आहे, असं देखील काँग्रेसने स्पष्ट केलं आहे.

काँग्रेस पक्षाची भूमिका-

वंचित बहुजन आघाडीकडून काँग्रेस पक्षाला विधानसभेच्या जागा देण्याच्या वक्तव्यावर काँग्रेसची भूमिका pic.twitter.com/8Oao51szhZ

— Sachin Sawant (@sachin_inc) July 3, 2019