बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

तृप्ती देसाई तक्रार दाखल करण्यासाठी आज नगरमध्ये जाणार!

पुणे | पुत्रप्राप्तीसाठी ऑड इव्हनचा फॉर्म्युला सांगणारे प्रसिद्ध किर्तनकार ह.भ.प. निवृत्ती महाराज इंदुरीकरांविरोधात भूमाता ब्रिगेडच्या अध्यक्षा तृप्ती देसाई चांगल्याच आक्रमक झाल्या आहेत. त्या आज अहमदनगरमध्ये तक्रार दाखल करण्यासाठी जाणार असल्याचं देसाईंनी सांगितलं आहे.

इंदुरीकर वारंवार आपल्या कीर्तनातून महिलांचा अपमान करत असतात. त्यांनी सांगितलेल्या फॉर्म्युल्यामुळे त्यांच्यावर पीसीपीएनडीटी कलमानुसार गुन्हा दाखल झालाच पाहिजे. ते नेहमी आपल्या कीर्तनातून महिलांना दुय्यम स्थान देतात यासंदर्भातही त्यांच्याविरोधात गुन्हा दाखल झाला पाहिजे या मागणीसाठी आम्ही आक्रमकपणे भूमिका घेणार आहोत, असं तृप्ती देसाई म्हणाल्या आहेत.

आमच्या या मागण्यासाठी जर गुन्हा दाखल झाला नाही तर आम्हाला 18 तारखेला अहमदनगरला यावं लागेल. असं सांगितलं होते. त्यामुळे माझ्या शिष्टमंडळासह नगरच्या एसपींकडे इंदुरीकरांवर तातडीने गुन्हा दाखल करा या मागणीसाठी जात आहोत, असं तृप्ती देसाईंनी सांगितलं आहे.

इंदुरीकर महाराजाच्या समर्थनार्थ आज नगरमध्ये मोर्चा काढण्यात येणार असल्याचीही माहिती आहे. इंदुरीकरांविरोधात गुन्हा दाखल झाला तर मोर्चा काढू असा इशारा इंदुरीकरांच्या समर्थकांनी दिला आहे.

ट्रेंडिंग बातम्या-

बाबांनो, लोटांगण घालतो पण आता तरी गप बसा- इंदोरीकर महाराज

सरकार इंदुरीकर महाराजांवर गुन्हा दाखल करणार नाही- बच्चू कडू

महत्वाच्या बातम्या-

बारावीची परीक्षा आजपासून सुरु; राज्यभरातून 15 लाख विद्यार्थ्यी भविष्य आजमावणार

“एसआयटी चौकशीसाठी कायदेविषयक सल्ला घेणार”

फडणवीसांच्या #हिंमतअसेलतर आव्हानाची सोशल मीडियात उडवली जातेय खिल्ली

 

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More