होळी सणानिमित्त प्रवाशांसाठी खुशखबर!

March 10, 2025

Holi special trains | होळी सणाच्या पार्श्वभूमीवर प्रवासी मागणी वाढल्याने मध्य आणि कोकण रेल्वेने दोन विशेष साप्ताहिक एक्सप्रेस गाड्या चालवण्याचा निर्णय घेतला आहे. मडगाव ते पनवेल आणि मडगाव ते लोकमान्य टिळक टर्मिनस (एलटीटी) दरम्यान या गाड्या धावणार असून त्यांचे आरक्षण खुले झाले आहे.

या तारखांना धावणार विशेष गाड्या :

✔ मडगाव-पनवेल-मडगाव एक्सप्रेस: 15 आणि 22 मार्च 2025
✔ मडगाव-एलटीटी-मडगाव एक्सप्रेस: 16, 17, 22 आणि 23 मार्च 2025

मडगाव-पनवेल-मडगाव एक्सप्रेस (गाडी क्रमांक 01102/01101)
मडगाव → पनवेल

प्रस्थान: सकाळी 8:00 वाजता (मडगावहून)
गंतव्य: सायंकाळी 5:30 वाजता (पनवेलला)
परतीचा प्रवास (पनवेल → मडगाव)
प्रस्थान: सायंकाळी 6:20 वाजता (पनवेलहून)
गंतव्य: दुसऱ्या दिवशी सकाळी 6:45 वाजता (मडगावला)
धावणार: 15 आणि 22 मार्च 2025

थांबे: करमाळी, थिविम, सावंतवाडी रोड, कुडाळ, कणकवली, वैभववाडी रोड, राजापूर रोड, रत्नागिरी, संगमेश्वर रोड, चिपळूण, खेड, माणगाव, रोहा, पेण.

मडगाव-एलटीटी-मडगाव एक्सप्रेस (गाडी क्रमांक 01104/01103)

मडगाव → लोकमान्य टिळक टर्मिनस (एलटीटी)

प्रस्थान: दुपारी 4:30 वाजता (मडगावहून)
गंतव्य: दुसऱ्या दिवशी सकाळी 6:25 वाजता (एलटीटीला)
धावणार: 16 आणि 23 मार्च 2025
एलटीटी → मडगाव

प्रस्थान: सकाळी 8:20 वाजता (एलटीटीहून)
गंतव्य: रात्री 9:40 वाजता (मडगावला)
धावणार: 17 आणि 23 मार्च 2025

थांबे: करमाळी, थिविम, सावंतवाडी रोड, कुडाळ, सिंधुदुर्ग, कणकवली, वैभववाडी रोड, राजापूर रोड, विलवडे, आडवली, रत्नागिरी, संगमेश्वर रोड, चिपळूण, खेड, माणगाव, रोहा, पेण, पनवेल, ठाणे.

Holi special trains | प्रवाशांसाठी महत्त्वाची माहिती :

या विशेष गाड्यांचे आरक्षण खुले झाले आहे, त्यामुळे प्रवाशांनी लवकरात लवकर आपली तिकिटे बुक करावीत. तसेच या गाड्यांचे वेळापत्रक आणि थांबे निश्चित करण्यात आले असून, प्रवाशांनी त्यानुसार नियोजन करावे. याशिवाय होळीच्या सुट्टीसाठी गावाकडे जाणाऱ्या प्रवाशांना या गाड्यांचा मोठा लाभ होणार आहे.

होळी सणाच्या गर्दीचा विचार करून मध्य आणि कोकण रेल्वेने दोन विशेष गाड्यांची सोय केली आहे. प्रवाशांनी या सुविधेचा लाभ घ्यावा आणि आपला प्रवास सुकर करावा.