उद्धव ठाकरेंसोबत काँग्रेस नेतेही घेणार रामलल्लांचं दर्शन!

By टीम थोडक्यात On March 7, 2020 10:18 am

मुंबई | मुख्यमंत्री उद्धव ठाकरे आज सहकुटुंब अयोध्या दौरा करणार आहेत. महाविकास आघाडीला 100 दिवस पूर्ण होण्याच्या निमित्ताने ते प्रभुरामाचं दर्शन घेत आहेत. उद्धव ठाकरे यांच्यासोबत काँग्रेस नेते आणि पशुसंवर्धन मंत्री सुनील केदार हेही अयोध्येत दाखल होणार आहेत.

शिवसेनेनं भाजपचा हात सोडत काँग्रेस-राष्ट्रवादीसोबत सरकार स्थापन केलं. त्यामुळे शिवसेनेनं हिंदुत्व सोडलं अशी टीका होत होती. या पार्श्वभूमीवर उद्धव ठाकरेंचा अयोध्या दौरा होत आहे. शिवाय यावेळी काँग्रेस नेतेही हजर राहणार असल्याने याला महत्व प्राप्त झाले आहे.

राम हा सगळ्यांचा असून भारताच्या सांस्कृतिक आणि अध्यात्मिक एकतेच प्रतिक आहे. त्यामुळे अयोध्येत येऊन प्रभूरामाचं दर्शन घेण्यात काही गैर नाही, असं सुनील केदार म्हणाले आहेत.

दरम्यान, उद्धव ठाकरेंचा अयोध्या दौरा गाजण्याची शक्यता आहे. कारण अयोध्येतील साधू-संतांनी त्यांना विरोध केला आहे. शिवसेनेनं हिंदूत्वाला मुठमाती दिली आहे, अशी टीका त्यांनी केली आहे.

ट्रेंडिंग बातम्या-