महाराष्ट्र मुंबई

अवकाळी पावसाने हवालदिल झालेल्या शेतकऱ्यांना शासनाचा दिलासा; दिले पंचनामे करण्याचे आदेश

Loading...

मुंबई |  राज्यात गेल्या दोन ते तीन महिन्यांपासून राज्यात अवकाळी पाऊस कोसळतो आहे. यामुळे शेतकऱ्याचं आलेलं पीक मातीमोल झालं आहे. अशा लाखो शेतकऱ्यांना दिलासा देण्याचा निर्णय राज्य सरकारने घेतला आहे.

अवकाळी पावसामुळे झालेल्या नुकसानीचे पंचनामे करण्याचे आदेश शासनाने सर्व जिल्हाधिकाऱ्यांना दिले आहेत. तसंच या उन्हाळ्यात पाणी टंचाई असलेल्या भागांना टँकर पुरवण्याचे आदेश प्रांताधिकाऱ्यांना दिले आहेत. त्याबाबत त्यांना अधिकारही देण्यात आलेले आहेत.

गेल्या दोन ते अडीच महिन्यांच्या काळात पश्चिम महाराष्ट्र, मराठवाडा, उत्तर महाराष्ट्र, विदर्भाच्या अनेक जिल्ह्यांमध्ये अवकाळी पावसाने हजेरी लावली. यामध्ये कोल्हापूर, सांगली, जालना, लातूर, धुळे, अकोला बुलडाणा, नागपूर, अमरावती, वर्धा, भंडारा या आणि अशा जिल्ह्यांमध्ये धुंवाधार पाऊस कोसळला. तसंच कोकणात देखील आंबा आणि काजू बागायतदारांचं मोठ्या प्रमाणात नुकसान झालेलं आहे.

33 टक्के किंवा त्यापेक्षा जास्त नुकसान झालेल्या बाधित शेतकऱ्यांना शासनाच्या निर्णयानुसार योग्य ती मदत देण्याचा निर्णय सरकारने घेतला आहे. त्यासाठी बाधित क्षेत्राचे पंचनामे करावेत असे आदेश मदत आाणि पुनर्वसन विभागाने दिले आहेत. पंचनामे झाल्यावर नुकसानीचा आकडा समोर येईल आणि त्यानुसार बाधित शेतकऱ्यांना मदत दिली जाईल, असं शासनाने सांगितलं आहे.

Loading...

ट्रेंडिंग बातम्या-

सरकारी कर्मचाऱ्यांना एप्रिलचा पगार एकरकमी मिळणार; राज्य सरकारचा निर्णय

‘…तर मी आत्महत्या करेन’; नसीरूद्दीन शाह यांचं धक्कादायक वक्तव्य

महत्वाच्या बातम्या-

…अशाने आकडेवारी कमी होईल पण धोका अधिक वाढेल- देवेंद्र फडणवीस

बिल गेट्स यांच्याकडून नरेंद्र मोदींचं कौतुक, म्हणाले…

ट्रोलर्सची भाषा बघून आपण माणसात राहतोय की जनावरांच्या टोळ्यात? हेच कळत नाही- चित्रा वाघ

 

Loading...

मेलवर बातम्या मिळवा

खालील रिकाम्या बॉक्समध्ये तुमचा ई-मेल आयडी टाका आणि Subscribe म्हणा. आमच्या बातम्या तुम्हाला ई-मेलवर मिळतील.

ताज्या बातम्या