सीएए हा काळा कायदा म्हणून इतिहास नोंद करेल- उर्मिला मातोंडकर

By टीम थोडक्यात On January 31, 2020 8:04 am

पुणे | सीएए हा काळा कायदा म्हणून इतिहास नोंद करेल. सीएए कायदा मुस्लिम विरोधी भासवला जात आहे. तो मुस्लिम विरोधी तर आहे पण गरिबांच्याही विरोधात आहे त्यामुळे हा कायदा आम्हाला मान्य नाही, असं अभिनेत्री उर्मिला मातोंडकर यांनी म्हटलं आहे.

पुण्यात गांधी भवन येथे महात्मा गांधी पुण्यतिथी निमित्त जाहीर सभेचं आयोजन करण्यात आलं होतं. यावेळी उर्मिला मातोंडकर यांनी माध्यमांशी संवाद साधला. यावेळी बोलताना उर्मिला मातोंडकर यांनी सीएए आणि एनआरसीवर जोरदार टीकास्त्र सोडलं आहे.

गांधी आजही विचारानं आपल्यात आहे. त्या विचारावर देश उभा आहे, अहिंसेच्या मार्गानं पुढं जायचं आहे. आजची लढाई आपण निवडून दिलेल्या लोकप्रतिनीधींच्या विरोधात आहे. लोकशाही म्हणजे संसद नव्हे तर लोकशाही म्हणजे देशाचे नागरिक असतात आणि नेते सुद्धा नागरिकच असतात, असं उर्मिला यांनी सांगितलं आहे.

दरम्यान, महात्मा गांधींच्या विचारधारेचा तेव्हाही खून करण्याचा प्रयत्न झाला आणि आताही होत आहे, असंही उर्मिला मातोंडकर यांनी म्हटलं.

ट्रेंडिंग बातम्या-