फोगटकन्या विनेशचा सुखद धक्का; विमानतळावरच उरकला साखरपुडा

By Thodkyaat On August 28, 2018 12:25 pm

नवी दिल्ली | भारताची सुवर्णकन्या विनेश फोगाटने भारतात पाऊल ठेवताच साखरपुडा उरकला आहे. शनिवारी रात्री मायदेशात परतल्यानंतर इंदिरा गांधी आंतरराष्ट्रीय विमानतळावर भारताचा कुस्तीपटू सोमवीर राठीने विनेशला अंगठी घातली.

आशियाई स्पर्धेत कुस्तीत सुवर्ण मिळवणारी ती पहिलीच भारतीय महिला आहे. विमानतळावर स्वागतासाठी तिच्या गावातील असंख्य लोकांनी गर्दी केली होती. त्याच दिवशी तीचा वाढदिवस असल्याने तिने तिथेच केकही कापला. यावेळी विनेशची आई आणि सोमवीरचे नातेवाईक उपस्थित होते.

दरम्यान, लग्नाच्या चर्चेला दुजोरा देत आपण लवकरच लग्न करणार असल्याचंही विनेशने सांगितलं आहे.

महत्त्वाच्या बातम्या-