कोविड योद्ध्यांना लसीकरणासाठी नोंदणीची गरज नाही- आरोग्य मंत्रालय

नवी दिल्ली | भारतात सीरम आणि ऑक्सफोर्डने तयार केलेल्या दोन्ही लसींना आपात्कालीन वापरासाठी संमती देण्यात आली आहे. देशात लसीकरण केव्हा सुरू होणार याबाबत नागरिकांना उत्सुकता आहे. अशातच केंद्रीय आरोग्य मंत्रालयाने याबाबत माहिती दिली आहे.

लसींना मंजुरी मिळाल्याच्या दहा दिवसांमध्ये प्रत्यक्ष लसीकरणास सुरूवात होऊ शकते, असं आरोग्य मंत्रालयाचे सचिव राजेश भूषण यांनी सांगितलं आहे. पत्रकर परिषदेत ते बोलत होते.

कोविड योद्ध्यांना लसीकरणासाठी नोंदणीची आवश्यकता नसणार आहे. दहा दिवसांमध्ये लसीकरण सुरू करण्यास आम्ही सज्ज आहोत, असं राजेश भूषण म्हणाले.

दरम्यान, डीसीजीआयने ३ जानेवारी रोजी लसींना मंजुरी दिली होती, त्यामुळे आता १३ ते १४ जानेवारीपर्यंत प्रत्यक्ष लसीकरणास देशात सुरूवात होण्याची शक्यता वर्तवली जात आहे.

We are prepared to roll out vaccine within 10 days of emergency use authorisation approvals. The final call will be taken by the government: Union Health Secretary Rajesh Bhushan
DGCI gave approval to two vaccines on January 3 pic.twitter.com/g6sWMsX4cG
— ANI (@ANI) January 5, 2021