बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

‘एकत्र आलेल्या राजांचं स्वागत, पण त्यांचं बोलणं भाजपच्या मिठाला जागल्यासारखं; शिवसेनेचा खोचक टोला

मुंबई | अनेक वर्षानंतर सातारा आणि कोल्हापूरचे राजे मराठा आरक्षणानिमित्त एकत्र आल्याचं पाहायला मिळत आहे. मराठा आरक्षणाच्या मुद्द्यावरुन आज खासदार संभाजीराजे छत्रपती आणि खासदार उदयनराजे भोसले या दोन्ही राजेंची पुण्यात भेट झाली. संभाजीराजे आणि उदयनराजे यांच्या या भेटीनंतर राजकीय वर्तुळात वेगवेगळ्या चर्चांना उधाण आलं आहे.

अनेक बड्या नेत्यांनी या भेटीवर प्रतिक्रिया दिल्या आहेत. अशातच आता शिवसेनेनं देखील या भेटीवर प्रतिक्रिया देत दोन्ही राजेंना खोचक टोला लगावला आहे. शिवसेना खासदार अरविंद सावंत यांनी या भेटीवर प्रतिक्रिया देताना खासदार संभाजीराजे छत्रपती आणि खासदार उदयनराजे भोसले यांच्यावर टिकास्त्र सोडलं आहे. आज दुपारी ते माध्यमांशी बोलत होते.

मराठा आरक्षणाच्या मुद्यावर दोन्ही राजे एकत्र आले त्याचं स्वागतंच आहे. मात्र, दोन्ही राजे भाजपच्या कोट्यातून खासदार झाले आहेत. त्यामुळे केंद्राच्या भूमिकेबद्दल ते बोलत नाही. तर मिठाला जागल्यासारखं ते बोलत आहेत, असा खोचक टोला अरविंद सावंत यांंनी लगावला आहे.

तसेच अरविंद सावंत यांनी यावेळी राम मंदिराच्या मुद्यावर देखील भाष्य केलं आहे. पुढे बोलताना ते म्हणाले की, राम मंदिराबद्दल आमच्या भावना स्पष्ट आहेत. धर्माच्या भावनांशी खेळू नका, राम मंदिर जमीन घोटाळ्याची चौकशी झाली पाहिजे.

थोडक्यात बातम्या – 

दिलासादायक! मुंबईतील कोरोना आटोक्यात; सक्रिय रूग्णांसह नव्या बाधितांच्या संख्येत घट

“हेल्थकार्ड सिस्टीम ही नव्या आरोग्य व्यवस्थेची सुरवात ठरेल” – डॉ. राजेंद्र विखे पाटील

कोरोनानं रोखली वारकऱ्यांची वाट, अशी असेल यंदाची वारी!

“कॉंग्रेसने सीएम पदाचा आग्रह धरावा, अन्यथा राज्य सरकारचा पाठिंबा काढून घ्यावा”

दिलासादायक! कोरोनाचं हॉटस्पॉट ठरलेल्या पुण्यात कोरोना रूग्णसंख्येत दिवसेंदिवस घट

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More