महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

Aishwarya Rai | ‘विश्वसुंदरी’ ऐश्वर्या राय कोणत्याच गोष्टीत मागे नाहीये. आता नुकतीच ती भारतातील सर्वांत श्रीमंत अभिनेत्रींच्या यादीत अव्वल आली आहे. कमाईच्या बाबतीत तीने मोठ्या मोठ्या अभिनेत्रींना मागे टाकले आहे. टॉप टेन अभिनेत्रींमध्ये ऐश्वर्या प्रथक (Aishwarya Rai ) क्रमांकावर आली आहे. आपल्या सौंदर्याने नेहमीच चाहत्यांना घायाळ करणारी ऐश्वर्या काही दिवसांपासून घटस्फोटामुळे चर्चेत आहे. आता या यादीमुळे ती पुन्हा चर्चेत आली आहे.

ऐश्वर्या रायकडे (Aishwarya Rai ) 800 मिलियन संपत्ती असल्याची माहिती समोर येत आहे. सर्वांत श्रीमंत अभिनेत्री ठरल्याने तिच्या चाहत्यांनाही बराच आनंद झाला आहे. बच्चन कुटुंबाची सुन अभिनयाच्या बाबतीत अव्वल आहेच, मात्र अभिनयाच्या जोरावर ती कमाईच्या बाबतीतही अव्वल ठरली आहे.

‘एवढ्या’ संपत्तीची मालकीण आहे ऐश्वर्या

ऐश्वर्या रायकडे (Aishwarya Rai ) 100 मिलियन डॉलर्स म्हणजेच जवळपास 800 कोटींची संपत्ती आहे. ऐश्वर्या फक्त अभिनयातूनच नव्हे तर ब्रँड एंडोर्समेंटमधूनही बक्कळ पैसा कमावते. एका चित्रपटासाठी ती 10 ते 12 कोटी रुपये मानधन घेते. तर जाहिरात आणि ब्रँड एंडोर्समेंटमधुन ती वर्षाला 80 ते 90 कोटी रुपये कमावते.

अनेक आलिशान गाड्या आणि लग्जरी बंगल्याची ती मालकीण आहे. 1997 मध्ये ऐश्वर्याने मणिरत्नम यांच्या ‘इरूवर’ या चित्रपटातून आपल्या करीअरची सुरुवात केली होती. तर, बॉबी देओल सोबत ‘और प्यार हो गया’हा तिचा पहिला बॉलीवुडपट होता. तीने देवदास, धूम, हम दिल दे चुके सनम, जोधा अकबर, मोहब्बते, ए दिल हे मुश्किल, पोन्नियिन सेल्वन अशा सुपरहीट चित्रपटांमध्ये काम केले आहे. फक्त भारतातच नाही, तर जगभरात ऐश्वर्याचे चाहते आहेत.

‘या’ आहेत भारतातील सर्वांत श्रीमंत अभिनेत्री

श्रीमंत अभिनेत्रीच्या यादीबद्दल बोलायचे झाले तर, ऐश्वर्यानंतर (Aishwarya Rai ) दुसऱ्या नंबरवर प्रियंका चोप्राने बाजी मारली आहे. प्रियंकाची तब्बल 620 कोटी संपत्ती आहे. प्रियंका ही बॉलीवुड तसेच हॉलीवुडची ग्लोबल आयकॉन म्हणून प्रचलित आहे. निक जोनस सोबत लग्न करून ती अमेरिकेतच स्थायिक झाली आहे.

तर, बॉलीवुडची मस्तानी म्हणजेच दीपिका पादुकोण या यादीत तिसऱ्या नंबरवर आहे. दीपिकाकडे एकूण 500 कोटींची संपत्ती आहे. तर. 440 कोटींच्या संपत्तीसह करीना कपूर चौथ्या क्रमांकांची अभिनेत्री ठरली आहे. या यादीत अनुष्का शर्मा पाचव्या नंबरवर आहे. अनुष्काची 255 कोटींची संपत्ती आहे. मात्र, या सर्व यादीत ऐश्वर्या राय बच्चनच (Aishwarya Rai ) टॉप ठरली आहे.