महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

Bajaj Pulsar NS400 l बजाज ऑटो कंपनीने ग्राहकांसाठी एक आनंदाची बातमी दिली आहे. बजाज कंपनी लवकरच बजाज पल्सर NS400 ही बाईक लाँच करणार आहे. कंपनीने या बाईकचा पहिला टीझर देखील रिलीज केला आहे. ही बाईक 3 मे 2024 ला लाँच होणार आहे. टीझर व्हिडिच्या माहितीनुसार या बाईकचे अलॉय व्हील Pulsar N250 सारखे आहेत. मॉडेलला मागील युनिटऐवजी अंडरबेली एक्झॉस्ट मिळण्याची शक्यता आहे. असाच सेटअप बजाज पल्सर NS160 आणि NS200 मध्ये देखील उपलब्ध आहे.

बजाज पल्सर NS400 स्पेसिफिकेशन :

नवीन बजाज पल्सरमध्ये NS400 मध्ये 373.3cc, सिंगल-सिलेंडर, लिक्विड-कूल्ड इंजिन असू शकते. हे इंजिन Dominar 400 मध्ये देखील देण्यात आले आहे. हे 40PS पॉवर आणि 35Nm टॉर्क जनरेट करते. ट्रान्समिशनसाठी 6-स्पीड गिअरबॉक्स उपलब्ध असू शकतो, ज्यामध्ये स्लिप आणि असिस्ट क्लच मिळू शकतात. क्विकशिफ्टर केवळ टॉप-एंड प्रकारांसाठीच ठेवला जाऊ शकतो. आतापर्यंतचे सर्वात मोठे इंजिन असलेली ही पल्सर बाईक असणार आहे.

नवीन बजाज पल्सर NS400 ला पुढील बाजूस USD फोर्क असणार आहे. तसेच मागील बाजूस मोनोशॉक सस्पेंशन मिळू शकते. डिस्क ब्रेक दोन्ही चाकांवर प्रदान केले जाऊ शकतात आणि अँटी-लॉक ब्रेकिंग सिस्टम देखील दिली जाऊ शकते. वैशिष्ट्यांबद्दल बोलायचे झाले तर यात ब्लूटूथ कनेक्टिव्हिटी आणि टर्न-बाय-टर्न नेव्हिगेशनसह संपूर्ण डिजिटल इन्स्ट्रुमेंट क्लस्टर आणि पूर्णपणे एलईडी लाइटिंग सिस्टम मिळू शकते.

Bajaj Pulsar NS400 l बजाज पल्सर NS400 ची किंमत काय असणार? :

बजाज पल्सर NS400 या बाईकच्या किंमतीबद्दल बोलायचे झाले तर नवीन बजाज पल्सर NS400 ची किंमत सुमारे 2 लाख रुपये (एक्स-शोरूम) असण्याची शक्यता आहे. ती थेट KTM 390 Duke, Triumph Speed 400 आणि Husqvarna Svartpilen 401 शी स्पर्धा करणार आहे.

याशिवाय बजाज ऑटो एक नवीन CNG बाइक देखील तयार करत आहे, जी आर्थिक वर्ष 2025 च्या पहिल्या तिमाहीत लाँच केली जाऊ शकते. हे 110-125cc इंजिनसह येण्याची अपेक्षा आहे. सीएनजी सिलेंडर लांब आणि सपाट सिंगल-पीस सीटखाली ठेवता येतो.