महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

CCTV | बॉलिवूड अभिनेता पंकज त्रिपाठी यांच्या कुटुंबावर शनिवारी दुःखाचा डोंगर कोसळला. धनबादमधील जीटी रोडवरील झालेल्या भीषण अपघातात अभिनेत्याचा मेहुणा राकेश तिवारी यांचं निधन झालं. तर बहीण सरिता तिवारी यांची प्रकृती चिंताजनक आहे.

मिळालेल्या माहितीनुसार, राजेश आणि सरिता बिहारच्या गोपालगंज येथून पश्चिम बंगालच्या चित्तरंजनला जात असताना दिल्ली-कोलकाता राष्ट्रीय महामार्ग-2 जीटी रोडवर दुपारी साडेचार वाजता हा अपघात झाला.

पंकज त्रिपाठींच्या बहिणीचा अपघात

या अपघाताचं सीसीटीव्ही फुटेज (CCTV ) समोर आलं आहे. ज्यात हा भीषण अपघात कसा झाला ते दिसून येत आहे. पंकज त्रिपाठीचे भावोजी रस्त्यावर भरधाव वेगाने येत होते. त्याचवेळी त्यांची कार अचानक डिवाइडरवर धडकली.

अभिनेत्याचे भावोजी राकेश तिवारी कार चालवत असताना कारवरचं नियंत्रण सुटल्यामुळे हा अपघात झाल्याची प्राथमिक माहिती मिळत आहे. हा अपघात झाल्यानंतर स्थानिक नागरिकांनी राकेश आणि सरिता यांना तात्काळ रुग्णालयात दाखल केलं.

अपघाताचा व्हिडीओ समोर

मात्र, राकेश तिवारी यांना गंभीर इजा झाल्याने त्यांचा मृत्यू झाला. तर त्यांच्या पत्नी सरिता या गंभीर जखमी असून त्यांच्यावर उपचार सुरु आहेत. पंकज त्रिपाठींच्या बहिणीचा पाय फ्रॅक्चर झाला असून सध्या त्यांच्यावर आयसीयूमध्ये उपचार चालू आहेत. त्यांच्या जीवाला धोका नसल्याचं डॉक्टरांनी सांगितलं आहे.

Actor #PankajTripathi Sister’s car climbed a divider in Dhanbad today & his Brother in law, Rajesh Tiwari succumbed to injuries. 😰
His Sister Sarita is critically injured & has been hospitalized..
Wishes for her speedy recovery.. pic.twitter.com/YKGaYFnLrS

— मैं भारतवासी🇮🇳 (मोदी का परिवार) (@SachienTayal) April 21, 2024

समोर आलेल्या फुटेजमध्ये (CCTV ) कारची स्थिती पाहता ती सुसाट वेगाने जात असल्याचा अंदाज वर्तवण्यात येत आहे. राकेश तिवारी हे चितरंजन रेल्वेमध्ये काम करायचे. त्यांची ड्युटी रेल्वेच्या जीएम कार्यालयात होती. सलग आलेल्या सुट्ट्यांमुळे ते आपल्या घरी गोपालगंजला आले होते. मात्र काळाने त्यांचा घात केला.