महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

EPS Pension l कर्मचारी पेन्शन योजना (EPS) ही कर्मचारी भविष्य निर्वाह निधी संघटना (EPFO) द्वारे व्यवस्थापित केलेली सेवानिवृत्ती योजना आहे. ही योजना संघटित क्षेत्रात काम केलेल्या सेवानिवृत्त कर्मचाऱ्यांसाठी आहे, जे वयाच्या 58 व्या वर्षी निवृत्त झाले आहेत. 1995 मध्ये EPS लाँच करण्यात आले. विद्यमान आणि नवीन EPF सदस्य या योजनेत सामील होऊ शकतात. विशेष बाब म्हणजे वयाच्या 58 वर्षांनंतरही एखादी व्यक्ती काम करत असली तरी तो ईपीएस पेन्शनचा हक्कदार असतो. म्हणजे नोकरी करत असतानाही तो पेन्शन घेऊ शकतो.

दहा वर्षे काम करणे आवश्यक :

नियोक्ता किंवा कंपनी आणि कर्मचारी दोघेही कर्मचाऱ्यांच्या पगाराच्या 12 टक्के EPF निधीमध्ये समान योगदान देतात. कर्मचाऱ्यांचे संपूर्ण योगदान EPF मध्ये जमा केले जाते आणि नियोक्ता किंवा कंपनीच्या वाटापैकी 8.33% कर्मचारी पेन्शन योजना (EPS) मध्ये जमा केले जाते आणि 3.67% दरमहा EPF मध्ये जमा केले जाते. EPS 95 योजना कंपनी आणि इतर आस्थापनांच्या सर्व कर्मचाऱ्यांना लागू आहे ज्यांना कर्मचारी भविष्य निर्वाह निधी आणि विविध तरतुदी कायदा 1952 लागू होतो.

EPS पेन्शन योजनेचा लाभ फक्त ईपीएफओचे सदस्य असलेल्यांनाच मिळतो. EPFO च्या नियमांनुसार, जो कर्मचारी EPFO मध्ये योगदान देतो आणि त्याने 10 वर्षे सेवा पूर्ण केली आहे आणि त्याचे वय 50 वर्षांपेक्षा जास्त आहे, तर तो पेन्शन मिळण्यास पात्र ठरतो. जर नोकरीचा एकूण कालावधी 10 वर्षांपेक्षा कमी असेल तर पेन्शनसाठी जमा केलेली रक्कम या दरम्यान कधीही काढता येईल.

EPS Pension l 50 वर्षांपेक्षा कमी वय असावे :

जर तुम्ही 10 वर्षे सेवा पूर्ण केली असेल आणि तुमचे वय 50 वर्षांपेक्षा कमी असेल तर तुम्ही पेन्शनचा दावा करू शकत नाही. अशा परिस्थितीत नोकरी सोडल्यानंतर तुम्हाला फक्त EPF मध्ये जमा केलेला निधी मिळेल. तसेच वयाच्या 58 व्या वर्षापासून पेन्शन मिळेल.

जर एखाद्या कर्मचाऱ्याने 10 वर्षे काम केले असेल आणि त्याचे वय 50 ते 58 वर्षे दरम्यान असेल तर त्याला पेन्शन मिळण्यास पात्र आहे. परंतु त्याला पेन्शन म्हणून मिळणारी रक्कम कमी असेल. जर तुम्ही 58 वर्षापूर्वी पेन्शनचा दावा केला तर तुमचे पेन्शन दरवर्षी 4 टक्क्यांनी कमी होईल.