महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

Bollywood News | प्रसिद्ध अभिनेते ज्युनियर मेहमूद (Junior Mehmood) गेल्या काही दिवसांपासून आजारी होते. मेहमूद दोन महिन्यांपासून कर्करोगाशी लढत होते. त्यानंतर त्यांना उपाचारासाठी रुग्णालयात दाखल करण्यात आलं होतं. मात्र डाॅक्टरांनी मेहमूद कर्करोगाच्या लास्ट स्टेजला आहे, असं घोषित केलेलं.

अभिनेते मेहमूद यांचं निधन

अभिनेते मेहमूद यांची प्रकृती खालावली होती. त्यांच्या प्रकृतीबाबात समजल्यानंतर बाॅलिवूडमधील दिग्ज कलाकार त्यांना भेटायला जात होते. दरम्यान, आज मेहमूद यांनी वयाच्या 67 व्या वर्षी जगाचा निरोप घेतला आहे.

गेल्या अनेक वर्षांपासून त्यांची कॅन्सरशी झुंज सुरू होती. उपचारादरम्यान अखेर त्यांची प्राणज्योत मालवली. मेहमूद यांच्या निधनामुळे बॉलिवूडवर शोककळा पसरली आहे. सध्या सोशल मीडियावर (Social Media) पोस्ट करत चाहत्यांसह अनेक सेलिब्रिटी त्यांना श्रद्धांजली देत आहेत.

Bollywood News : मेहमूद यांचं खरं नाव काय?

मेहमूद यांनी आपल्या अभिनयाने अनेकांच्या मनात घर केलं. ‘मेरा नाम जोकर’, ‘परवरिश’, ‘हाथी मेरे साथी’ यांसारख्या सिनेमामध्ये मेहमूद यांनी महत्त्वाची भूमिका साकारल्या होत्या. ज्युनियर महमूद यांचं खरं नाव नईम सैय्यद असं आहे.

पहिल्या सिनेमानंतर नईम सैय्यद यांना ज्युनियर मेहमूद असं नाव पडलं. नईम सैय्यद यांचा जन्म 1956 साली झाला. वयाच्या 9 व्या वर्षी ज्युनियर महमूद यांनी बालकलाकार म्हणून केली. त्यानंतर 1968 साली ‘सुहाग की रात’ सिनेमा प्रदर्शित झाला आणि या सिनेमात ज्युनियर महमूद यांना अभिनेते आणि गायक महमूद यांच्यासोबत काम करण्याची संधी मिळाली.